சற்று முன்
முத்தின கத்திரிக்கா - திரை விமர்சனம்
Directed by : Venkat Raghavan
Casting : Sundar C., Poonam Bajwa, Vaibhav, Sathish
Music :Siddharth Vipin
Produced by : Sundar C. Kushboo Avni Cinemax
PRO : Johnson
Review :
மலையாளத்தில் வெற்றியடைந்த வெல்லிமுங்கா படத்தை, வழக்கமான சுந்தர்.சி பட பாணியில் காமெடி கலாட்டாவாக உருவாக்கப்பட்டுள்ள திரைப்படம் "முத்தின கத்திரிக்கா"
இதில் சுந்தர்.சி, பூனம் பஜ்வா, சதீஷ், விடிவி கணேஷ், சிங்கம் புலி என பல முன்னணி நடிகர்கள் நடித்துள்ளனர்.
40 வயதை கடந்தும் திருமணம் ஆகாமல் இருக்கும் சுந்தர்.சி தன்னை விட வயது குறைந்த பூனம் பஜ்வாவிடம் காதல் கொள்கிறார். மறுபுறம் யாருக்குமே தெரியாத ஒரு கட்சியில் இருந்து பெரிய அரசியல் பதவியை பிடிக்கவும் பல்வேறு கலாட்டாக்களை செய்கிறார். இறுதியில் சுந்தர்.சி பூனம் பஜ்வாவை திருமணம் செய்துக்கொண்டாரா? அரசியலில் சாதித்தாரா என்ற கேள்விகளுக்கு காமெடி நிறைந்த திரைகதையினால் பதிலளிக்கிறது முத்தின கத்திரிக்கா திரைப்படம்.
முழுக்க முழுக்க காமெடி சரவெடியாக பயணிக்கும் படத்தில், இங்கு நிலவும் அரசியலை சர்வ சாதாரணமாக நகைச்சுவையாக சொல்லியிருக்கிறார்கள்.
இயக்கம் - நடிப்பு என இரண்டிலும் அசர வைக்கும் சுந்தர்.சி, இந்த படத்தில் தனது முழுமையான நடிப்பை வெளிப்படுத்தியுள்ளார். காமெடி, காதல், அம்மா செண்டிமெண்ட் என எதிலும் குறைவில்லாமல் வெளிப்பட்டிருக்கிறது அவரது நடிப்பு.
வழக்கமான பாத்திரம் என்றாலும்கூட பூனம் பஜ்வாவின் மெனக்கெடல் திரையில் தெரிகிறது. சதீஷ், விடிவி கணேஷ், சிங்கம் புலி மூவரின் நகைச்சுவை பங்குதான் படத்திற்கு மிகப்பெரிய பலமாக அமைந்துள்ளது.
சித்தார்த் விபின் இசையில் இரண்டு பாடல்கள் மட்டும் கேட்க்கும்படியாக அமைந்துள்ளன. மலையாள ரீமேக் என்றாலும் திரைக்கதையை எந்த வகையிலும் வேகம் குறையாமல் இயக்கியிருக்கிறார் வெங்கட் ராகவன்.
பூனம் பஜ்வாவை திருமணம் செய்துக்கொள்வதில் இருந்த சிக்கல், அரசியலில் சாதிக்க மேற்கொண்ட களவாணி தனங்கள் என நகைச்சுவையால் ஆர்ப்பரிக்கக் கூடிய காட்சிகள் ஏராளம் இருப்பதால் சளைக்காமல் சிரிக்க வைக்கிறது படம்.
அதனோடு கூடுதலாக திருப்பங்களையும் வழங்கி, அனைத்தும் கலந்த கலவையாக சிறியவர்கள் முதல் பெரியவர்கள் வரை அனைவரும் பார்க்கக்கூடிய பொழுதுபோக்கு திரைப்படமாக முத்தின கத்திரிக்கா அமைந்திருப்பது சிறப்பு.
Verdict : அனைவரும் பார்க்ககூடிய காமெடி சரவடி - அரசியல் நையாண்டி
மேலும் திரைப்பட விமர்சனம்
- WORLD TAMIL
- |
- CINEMA