சற்று முன்
’கடமையை செய்’ விமர்சனம்
Directed by : Venkat Raghavan
Casting : SJ Surya, Yashika Anand, Vincent Ashokan, Charles Vinoth, Sesu, Rajendran
Music :Arun Raj
Produced by : Syed Zahir Hussain, TR Ramesh
PRO : Manavai Bhuvan
Review :
சிவில் இன்ஜினியராக வேலை பார்த்து வரும் எஸ்.ஜே.சூர்யா மனைவி யாஷிகா ஆனந்த். மற்றும் ஓர் குழந்தை என சந்தோசமாக வாழ்ந்து வருகிறார். திடீரென அவருக்கு வேலை போய்விடுகிறது. வேறு வழியில்லாமல் குடும்பத்தை காப்பாற்ற ஒரு அபார்ட்மெண்டில் செக்யூரிட்டியாக வேலைக்கு சேர்க்கிரார், சிவில் இஞ்சினியராக அவர் அந்த அபார்ட்மெண்ட் கட்டிடம் சரியாக கட்டப்படவில்லை இதனால் அங்கு இருக்கும் மக்கள் உயிருக்கு ஆபத்து நேரும் என்பதை அறிந்து அவர்களை காப்பாற்ற முயற்சியில் இறங்கும் போது ஒரு விபத்தில் சிக்கி ஸ்டுமர் என்ற நோயால் பாதிக்கப்படுகிறார், தன்னைச் சுற்றி நடப்பவை அனைத்தையும் கவனிக்க முடியும் ஆனால் அவரால் பேச முடியாது. அந்த நோயிலிருந்து மீண்டாரா? அடுக்குமாடி குடியிருப்பு வாசிகளை காப்பாற்றுகின்றார் என்பதுதான் "கடமையை செய்" படத்தின் கதை.
ஒரு நடுத்தர வர்க்க குடும்ப தலைவனாக எஸ்.ஜே.சூர்யா நடித்திருக்கிறார். இரண்டாம் பாதி முழுக்கவே வசனமே இல்லாமல் உடல் அசைவுகளாலும், முகபாவனைகளால் மட்டுமே தனது நடிப்பை வெளிப்படுத்தி அசத்தியுள்ளார்.
கவர்ச்சியாகவே நடித்துக்கொண்டிருந்த யாஷிக்காக ஆனந்த் இந்த படத்தின் மூலம் ஒரு கதாநாயகியாக முன்னேறியிருக்கிறார். இயக்குநரின் நம்பிக்கையை காப்பாற்றியிருக்கிறார் என்றே சொல்லலாம்.
மொட்டை ராஜேந்திரன், வின்செண்ட் அசோகன், சேசு உள்ளிட்ட அடுக்குமாடிக் குடியிருப்புவாசிகள் ஆகிய அனைவரும் தத்தம் வேலையைச் சரியாகச் செய்திருக்கிறார்கள். சார்லஸ் வினோத்தின் வில்லத்தனம், அடியாள் ராஜசிம்மனின் அடங்க மறுக்கும் கழுத்து என்று ஆக்ஷன் ஏரியாவில் கூட காமெடியை வைத்து இயக்குநர் ரசிக்க வைத்திருக்கிறார்.
வினோத் ரத்தினசாமியின் ஒளிப்பதிவு கதைக்கு ஏற்றவாறு பயணித்திருக்கிறது. அருண்ராஜின் இசையில் பாடல்கள் சுமார் ரகம்.
வித்தியாசமான கருவை கதைக்களமாக எடுத்துக்கொண்ட இயக்குநர் வேஙட் ராகவன், அதற்கு கமர்ஷியலாக திரைக்கதை அமைத்து விறுவிறுப்பான காட்சிகள் மூலம் படத்தை சுவாரஸ்யமாக நகர்த்தி செல்கிறார்.
இயக்குநர் வேங்கட் ராகவனின் வித்தியாசமான முயற்சிக்கு மிகப்பெரிய ஒத்துழைப்பு கொடுத்திருக்கும் எஸ்.ஜே.சூர்யா, தனது கதாப்பாத்திரத்தை உணர்ந்து நடித்திருப்பதோடு, படத்தின் வெற்றிக்காக மிகப்பெரிய உழைப்பையும் கொடுத்திருப்பது படம் முழுவதும் தெரிகிறது.
"கடமையை செய்" படத்திற்கு மதிப்பீடு 3/5
Verdict : ஒருமுறை பார்க்கலாம்
மேலும் திரைப்பட விமர்சனம்
- WORLD TAMIL
- |
- CINEMA