Review :

"ஒரு நொடி" B.மணிவர்மன் இயக்கத்தில் மதுரை அழகர் மூவீஸ் மற்றும்  வைட் லாம்ப் பிக்சர்ஸ் - அழகர் G & K.G. ரத்தீஷ் தயாரிப்பில் உருவாகியிருக்கும் இந்த படத்திற்கு  இசை சஞ்சய் மாணிக்கம். இந்த படத்தில் தமன் குமார், MS பாஸ்கர், வேல ராமமூர்த்தி, பழ கருப்பையா, ஸ்ரீ ரஞ்சனி, நிகிதா, விக்னேஷ் ஆதித்யா, தீபா ஷங்கர் மற்றும் பலர் நடித்துள்ளனர்.

வாங்கிய கடனை திருப்பிக் கொடுப்பதற்காக கடன்காரனை பார்க்கச் செல்லும் போட்டோ ஸ்டூடியோ ஓணரான எம் எஸ் பாஸ்கர் திடீரென காணாமல் போகிறார். இதை விசாரிக்கும் போலீஸ் அதிகாரியாக கதையின் நாயகன் தமன் குமார்.

இது ஒரு பக்கம் போய்க் கொண்டிருக்க, இன்னொரு இடத்தில் ஒரு பெண் மர்மமான முறையில் இறந்து கிடக்கிறாள்.

இறந்து போன இந்த பெண்ணிற்கும், தொலைந்து போன எம் எஸ் பாஸ்கருக்கும் என்ன தொடர்பு, எம் எஸ் பாஸ்கர் மீண்டும் கிடைத்தாரா என்பது தான் மீதி கதை.

படத்தின் கதையில் இருக்கும் வேகம் திரைக்கதையில் சற்று தடுமாறுகிறது. திரைக்கதையில் சுவாரசியத்தை கூட்ட வேண்டும் என்பதற்காகவே, அடுத்தடுத்த கொலைகளை அடுகடுக்காக படமாக்கி இருக்கிறார் இயக்குனர் மணிவர்மன்.

படத்தில் எம் எஸ் பாஸ்கர் மற்றும் தமன்குமார், சலூன் கடை நடத்தும் நடிகர் ஆகியோரின் நடிப்பை தவிர வேறு யாருடைய நடிப்பும் பெரிதாக எடுபடவில்லை.

படத்தின் பாடல்களும் பெரிதாக ஜோடிக்கவில்லை. ஒளிப்பதிவில் கவனம் கூட்டியிருக்கலாம். முதல் பாதை சலிப்பைத் தட்டியதால், இரண்டாம் பாதி நன்றாக இருந்தும் ஜோடிக்கவில்லை என்று சொல்ல வேண்டும். அதுமட்டுமில்லாமல் திரைக்கதையில் சில பல ஓட்டை ஒடிசல்களும் உள்ளன.

இருந்தாலும் படத்தின் பெயர் ஒரு நொடி என்பதற்கு ஏற்ப காட்சி அமைத்தது இயக்குனரின் தனி சிறப்பம்சம் . முழுக்க முழுக்க கதையை மட்டுமே நம்பி தொழில்நுட்பத்தில் கவனம் செலுத்தாமல் போனதால் சூப்பரா தான் வந்திருக்க வேண்டிய ஒரு நொடி திரைப்படம் சுமாரான படமாக வந்துவிட்டது.

"ஒரு நொடி" படத்திற்கு மதிப்பீடு 3.5/5

Verdict : சுவாரஸ்யமான க்ரைம் சஸ்பென்ஸ் திரில்லர்