தன் அறிவுத்திறனால் உலக அறிஞர்களையே அதிர வைக்கும் தமிழ் சிறுமி விசாலினி!
Updated on : Tuesday July-12 2016

உலகிலேயே அதிக அறிவுத்திறன் கொண்ட சிறுமியாக திருநெல்வேலியை சேர்ந்த விசாலினி அடையாளப்படுத்தப்படுகிறார். 11 வயதில் தனக்குரிய இணையதளத்தைத் தானே 24 மணிநேரத்தில்  வடிவமைத்தவர் இவர்.  தன் 11 வயதில் 25-க்கும் மேற்பட்ட இன்ஜினியரிங் கல்லூரிகளுக்கு அழைக்கப்பட்டு இறுதி ஆண்டு  மாணவர்கள், கல்லூரிப் பேராசிரியர்கள், துறைத் தலைவர்கள் , முதல்வர்களுக்கு செமினார் வகுப்புகளை நடத்தி வருகிறார்.

உலக அளவிலான IOB GM தலைமையிலான IT Professional -களுக்கு 2 மணி நேரம் பாடம் நடத்தி அனைவரையும் பிரமிக்க வைத்தாள். HCL நிறுவனம் The Pride of India - Visalini என பாராட்டிய போது அவருக்கு வயது 11. TEDx சர்வதேச மாநாட்டில் தலைமை உரை ஆற்றிய விசாலினி The Youngest TEDx Speaker என்ற பட்டமும் பெற்றார்.

Times Now English News நிறுவனமோ ஒருபடி மேலாக விசாலினியின் வீட்டிற்கே வந்து 2 நாட்கள் தங்கி அவரைப் பற்றிய தகவல்களைத் திரட்டி, The Amazing Indian - Visalini என அரை மணிநேர Documentry -யை  ஒளிபரப்பியது.

ஆஸ்திரேலியாவின் முன்னணிச் செய்தி நிறுவனமான SBS ஆஸ்திரேலியா, உலகின் 74 மொழிகளில் 174 நாடுகளில் விசாலினியின் அரைமணி நேர பேட்டியை ஒலிபரப்பி கௌரவப் படுத்திய போது விசாலினிக்கு வயது 13 தான்.

பிரதமர் மோடி விசாலினியை சந்திக்க வேண்டும் என்று தானாகவே முன் வந்து சந்தித்து பேசிய போது கூறியது: "இந்தச் சிறுவயதில் நீ செய்துள்ள சாதனைகளே, இந்திய நாட்டிற்கான சேவைதான்" என்று நெகிழ்ந்து பாராட்டினார்.

உலக அளவில் பாராட்டு பெற்றுள்ள விசாலினிக்கு, தான் இன்னும் தமிழக முதல்வரின் பாராட்டைப் பெற வில்லையே என்பது மிகப்பெரிய ஆதங்கமாக உள்ளது.

கம்ப்யூட்டர் ஜாம்பவான் பில்கேட்ஸுக்கு IQ level 160. ஆனால் விசாலினியின் IQ level 225. தன் சொந்த முயற்சியால் மட்டுமே, உலகின் பல்வேறு நாட்டு அறிஞர்களின் பாராட்டைப் பெற்ற விசாலினி, ஓர் இந்தியர். அதுவும் தமிழர் என்பது நம்மை மகிழ்ச்சியில் ஆழ்த்துகிறது.