சற்று முன்
சினிமா செய்திகள்
மே 16-ல் சபாஷ் நாயுடு படப்பிடிப்பு: கமல்ஹாசன் தேர்தலில் வாக்களிப்பாரா?
Updated on : 30 April 2016
உலகநாயகன் கமல்ஹாசன் நடிப்பில் அடுத்ததாக உருவாகும் "சபாஷ் நாயுடு" படத்தின் தொடக்க விழா நேற்று நடைபெற்றது.
இதனை தொடர்ந்து நடைபெற்ற பத்திரிக்கையாளர் சந்திப்பில், இந்த படம் குறித்தும் தனது பிற செயல்பாடுகள் குறித்தும் விரிவாக பகிர்ந்துக்கொண்டார் கமல்ஹாசன்.
இதன்போது இரண்டு மகள்களுடன் பணியாற்றும் அனுபவம் குறித்து வினவியதற்கு பதிலளித்த கமல், "இருவரும் வெவ்வேறு துறைக்கு செல்ல வேண்டியவர்கள். ஆனால் ஸ்ருதி நடிக்க வந்திருக்கிறார், அக்ஷரா உதவி இயக்குநராக பணியாற்றுகிறார்.
நான் கூட உதவி இயக்குநர், இயக்கம் என்று தான் இருந்தேன். ஆனால் கே. பாலச்சந்தர் சார் என் வாழ்கையை மாற்றிவிட்டார்" என்றார்.
சபாஷ் நாயுடுவின் படப்பிடிப்பு மே 16-ஆம் தேதி லாஸ் ஏஞ்சல்சில் தொடங்குவதாக கமல் அறிவித்துள்ளார்.
இந்நிலையில், அன்று தமிழக சட்டப்பேரவை தேர்தல் நடைபெறவுள்ளதே நீங்கள் வாக்களிக்க மாட்டீர்களா என்ற கேள்விக்கு பதிலளித்த கமல்ஹாசன், அதை வேறு யாரும் செய்துகொள்வார்கள். சென்ற முறையே என்னால் வாக்களிக்க முடியவில்லை. வேறு யாரோ வாக்களித்துவிட்டனர். ஒருவேளை முடிந்தால் வாக்களிப்பேன் என்றார்.
இது சமூக வலைதளங்களில் விமர்சனத்தை ஏற்படுத்தியுள்ளது. சமூக அக்கறை கொண்ட ஒரு மூத்த கலைஞர் தனது வாக்களிக்கும் கடமையை கண்டிப்பாக நிறைவேற்ற வேண்டும் என பலர் கூறியுள்ளனர்.
இதுகுறித்து விளக்கம் அளித்துள்ள தலைமை தேர்தல் அதிகாரி ராஜேஷ் லக்கானி, இம்முறை கமல்ஹாசனின் பெயர் வாக்காளர் பட்டியலில் உள்ளது. எனவே அவர் நிச்சயம் வாக்களிக்க வேண்டும். பொதுமக்களுக்கு ரோல் மாடலாக உள்ள ஒரு கலைஞர், தனது கடமையை நிறைவேற்ற வேண்டுமென்று கூறியுள்ளார்.
சமீபத்திய செய்திகள்
நடிகர் பிரபாஸ் எழுத்தாளர்களுக்காக துவக்கி வைத்த ‘தி ஸ்கிரிப்ட் கிராஃப்ட்’ இணையதளம்!
இந்தியாவின் மிகப்பெரிய ஸ்டார் பிரபாஸ், எழுத்தாளர்களை ஊக்குவிப்பதற்காக அவர்களுக்கென பிரத்தியேகமாக உருவாக்கப்பட்ட தி ஸ்கிரிப்ட் கிராஃப்ட் என்ற இணையதளத்தை துவங்கி வைத்தார். பல தரப்பட்ட கதைகள் வெளிச்சத்திற்கு வரவும், எழுத்தாளர்கள் தங்கள் கதை சார்ந்த கருத்துக்களை பரந்த பார்வையாளர்களுடன் பகிர்ந்து கொள்ளவும், அவர்களின் படைப்பாற்றலை வெளிப்படுத்தவும், ஒரு சிறப்பான தளத்தை வழங்குவதற்காக, இந்த முயற்சியை மேற்கொள்ளப்பட்டுள்ளது.
ஸ்கிரிப்ட் கிராஃப்ட் தளத்தில் எழுத்தாளர்கள் தங்கள் கதைக்கருக்களை 250-சொற்களில் சுருக்கமாக சமர்ப்பிக்கலாம். பார்வையாளர்கள் இந்த கதைக்கருக்களை படித்து மதிப்பிடலாம், அதிக ரேட்டிங் பெற்ற கதைகள் மேலே உயரும். இதன் பின்னூட்ட அமைப்பு, கருத்துக்களுக்குப் பதிலாக மதிப்பீடுகளில் கவனம் செலுத்துகிறது, எழுத்தாளர்கள் நம்பிக்கையை வளர்க்கவும் அவர்களின் கருத்துக்களுக்கு நேர்மறையான ஆதரவைப் பெறவும் உதவும் ஒரு ஆக்கபூர்வமான சூழலை இந்த தளம் உருவாக்குகிறது.
“தி ஸ்கிரிப்ட் கிராஃப்ட் " இணையதளத்தை துவக்கத்தை கொண்டாடும் விதமாக எழுத்தாளர்களுக்கு,
உங்களுக்குப் பிடித்த ஹீரோவை சூப்பர் பவருடன் கற்பனை செய்து கதை சொல்லுங்கள் !" என்ற தலைப்பில் ஒரு சிறப்புப் போட்டியை அறிமுகப்படுத்தியுள்ளது. பெரும் திறன்களைக் கொண்ட ஒரு சூப்பர் ஹீரோவை மறுவடிவமைக்கும் இந்த கதைக்கரு அதிகபட்ச 3,500-வார்த்தைகள் கொண்டதாக சமர்ப்பிக்க, எழுத்தாளர்கள் அழைக்கப்படுகிறார்கள். இறுதியில், இந்த போட்டியில் ரசிகர்களின் ஆதரவை அதிகமாக பெறும் வெற்றியாளர் உதவி எழுத்தாளராக அல்லது உதவி இயக்குநராக ஒரு திரைப்படத்தில் பணியாற்றுவதற்கான தனித்துவமான வாய்ப்பைப் பெறுவார். இது வளர்ந்து வரும் எழுத்தாளர்களுக்கு மிகச்சிறந்த வாய்ப்பாகும். தல்லா வைஷ்ணவ் மற்றும் பிரமோத் உப்பளபதி ஆகியோரால் நிறுவப்பட்ட தி ஸ்கிரிப்ட் கிராஃப்ட் தளம், புதிய திறமைகளை ஊக்குவிப்பதற்காகவும், எழுத்தாளர்களுக்கு அவர்களின் கதை சொல்லும் திறனையும் படைப்பாற்றலையும் வெளிப்படுத்தும் தனித்துவமான வாய்ப்புகளை வழங்குவகிறது.
கூடுதலாக, தி ஸ்கிரிப்ட் கிராஃப்ட் தளம் ஆடியோபுக்ஸ் அம்சத்துடன் விரிவுபடுத்த திட்டமிட்டுள்ளது, எழுத்தாளர்கள் தங்கள் கதைகளை அதிவேக ஆடியோ அனுபவங்களாக மாற்ற இது அனுமதிக்கிறது. ஆடியோ கதைசொல்லலை விரும்பி கேட்போர் உட்பட, எழுத்தாளர்கள் பரந்த பார்வையாளர்களை அடைய உதவும் வகையில் இந்த வளர்ச்சி அமைக்கப்பட்டுள்ளது.
பிரபாஸ் இன்ஸ்டாகிராமில் பகிர்ந்துள்ளதாவது.., "இந்த மேடையில் உங்கள் கதையைப் பகிர்ந்து கொள்ளுங்கள், உலகை ஊக்குவிக்க சிறப்பான வழியாக இதைப் பயன்படுத்திகொள்ளுங்கள், எழுத்தாளர்களின் வார்த்தைகளை மற்றும் பார்வையாளர்கள் தங்கள் விருப்பத்தின் மூலம் மேம்படுத்துவார்கள். இந்த தளத்தில் அனைவரும் இணையுங்கள். #TheScriptCraft குழுவிற்கு வாழ்த்துகள்! https://www.thescriptcraft.com/ @TSCWriters #Vaishnav @uppalapatipramod #CreativeCommunity"
தி ஸ்கிரிப்ட் கிராஃப்டில் பிரபாஸின் ஈடுபாடு, எழுத்தாளர்களுக்கு ஒரு நேர்மறையான இடத்தை வளர்ப்பதிலும் தனித்துவமான கதைசொல்லலை ஊக்குவிப்பதிலும் உள்ள அவரது அர்ப்பணிப்பை எடுத்துக்காட்டுகிறது. ஸ்கிரிப்ட் கிராஃப்ட் எழுத்தாளர்களை ஆதரிப்பதிலும், கதை சொல்லும் கலையை மதிக்கும், வரவேற்பு தளத்தை உருவாக்குவதிலும் பிரபாஸ் கொண்டிருந்த அர்ப்பணிப்பின் பிரதிபலிப்பாகும்.
தி ராஜா சாப், சலார்: பாகம் 2 - சௌரியங்க பர்வம், கல்கி 2 மற்றும் ஹனு ராகவபுடியுடன் பெயரிடப்படாத திரைப்படம் என பிரபாஸை திரையில் தரிசிக்க, ரசிகர்கள் ஆவலோடு காத்திருக்கும் உள்ளனர்.
- உலக செய்திகள்
- |
- சினிமா
