சற்று முன்
சினிமா செய்திகள்
பீப் ஷோ குழுவினரின் புதிய முயற்சி வை ராஜா மை; நீங்களும் கால் பண்ணிடுங்க
Updated on : 04 May 2016
தமிழக சட்டப்பேரவை தேர்தலில் 5 லட்சம் புதிய வாக்காளர்களை தவறாமல் வாக்களிக்க செய்வதற்காக பீப் ஷோ நிகழ்ச்சி குழுவினர் விழிப்புணர்வு நிகழ்ச்சியை இன்று நடத்தி வருகின்றனர்.
‘வை ராஜா மை’ என்ற தலைப்பில் நடத்தப்படும் இந்த நிகழ்ச்சியில், 5 லட்சம் புதிய வாக்காளர்களை இந்த தேர்தலில் “நிச்சயம் வாக்களிப்போம்” என்று தங்கள் உறுதியை மிஸ்டு கால் மூலமாக பதிவு செய்யும் வகையில் காலவரையற்ற பேசும்விரதத்தை மேற்கொண்டுள்ளனர்.
தற்போது நேரலையில் நடைபெற்றுக்கொண்டிருக்கும் இந்த நிகழ்ச்சிக்கு இதுவரை 1 லட்சத்து 11 ஆயிரம் பேர் கால் செய்துள்ளனர். இந்நிகழ்ச்சி குறித்து கூறும் நிகழ்ச்சியின் இயக்குநர் பிரபாகரன், “இன்று வளர்ந்து வரும் சமூக சூழ்நிலையில் இளைஞர்கள் தவறுகளை சகித்துக்கொண்டும், கிரகித்துக்கொண்டும் வாழ்ந்து வருகிறார்கள்.
இந்த நிலை மாற வேண்டும் என்றால் அது வாக்களர்கள் கையில் தான் இருக்கிறது. இந்த தேர்தலில் பெரிய திருப்புமுனையாக இருக்க போவது புதிய வாக்களர்களின் வாக்குகள் தான், எனவே, அவர்களுக்கு வாக்களிப்பதைப் பற்றிய விழிப்புணர்வை ஏற்படுத்துவதே எங்கள் நோக்கம்” என்று தெரிவித்துள்ளார்.
புதிய வாக்களர்களான நீங்களும் இந்த ’வை ராஜா மை’ நிகழ்வில் பங்கேற்று “நிச்சயம் வாக்களிப்போம்” என்ற உறுதியை பதிவு செய்ய 7878745566 என்ற எண்ணுக்கு மிஸ்டு கால் கொடுங்கள். மேலும், ட்ரெண்ட்லவுட்ஸ் ஸ்மைல் சேட்டை சேனலின் இந்த ‘வை ராஜா மை’ நிகழ்ச்சியில் பிரபல வி.ஜே-க்களின் குறும்புத்தனமான அரசியல் சேட்டைகளைப் www.youtube.com/smilessettai என்ற youtube சேனலிலும் மற்றும் www.smilewebtv.com என்ற இணையத்தளம் மூலமாக நேரைலையில் கண்டுகளியுங்கள்.
சமீபத்திய செய்திகள்
நடிகர் பிரபாஸ் எழுத்தாளர்களுக்காக துவக்கி வைத்த ‘தி ஸ்கிரிப்ட் கிராஃப்ட்’ இணையதளம்!
இந்தியாவின் மிகப்பெரிய ஸ்டார் பிரபாஸ், எழுத்தாளர்களை ஊக்குவிப்பதற்காக அவர்களுக்கென பிரத்தியேகமாக உருவாக்கப்பட்ட தி ஸ்கிரிப்ட் கிராஃப்ட் என்ற இணையதளத்தை துவங்கி வைத்தார். பல தரப்பட்ட கதைகள் வெளிச்சத்திற்கு வரவும், எழுத்தாளர்கள் தங்கள் கதை சார்ந்த கருத்துக்களை பரந்த பார்வையாளர்களுடன் பகிர்ந்து கொள்ளவும், அவர்களின் படைப்பாற்றலை வெளிப்படுத்தவும், ஒரு சிறப்பான தளத்தை வழங்குவதற்காக, இந்த முயற்சியை மேற்கொள்ளப்பட்டுள்ளது.
ஸ்கிரிப்ட் கிராஃப்ட் தளத்தில் எழுத்தாளர்கள் தங்கள் கதைக்கருக்களை 250-சொற்களில் சுருக்கமாக சமர்ப்பிக்கலாம். பார்வையாளர்கள் இந்த கதைக்கருக்களை படித்து மதிப்பிடலாம், அதிக ரேட்டிங் பெற்ற கதைகள் மேலே உயரும். இதன் பின்னூட்ட அமைப்பு, கருத்துக்களுக்குப் பதிலாக மதிப்பீடுகளில் கவனம் செலுத்துகிறது, எழுத்தாளர்கள் நம்பிக்கையை வளர்க்கவும் அவர்களின் கருத்துக்களுக்கு நேர்மறையான ஆதரவைப் பெறவும் உதவும் ஒரு ஆக்கபூர்வமான சூழலை இந்த தளம் உருவாக்குகிறது.
“தி ஸ்கிரிப்ட் கிராஃப்ட் " இணையதளத்தை துவக்கத்தை கொண்டாடும் விதமாக எழுத்தாளர்களுக்கு,
உங்களுக்குப் பிடித்த ஹீரோவை சூப்பர் பவருடன் கற்பனை செய்து கதை சொல்லுங்கள் !" என்ற தலைப்பில் ஒரு சிறப்புப் போட்டியை அறிமுகப்படுத்தியுள்ளது. பெரும் திறன்களைக் கொண்ட ஒரு சூப்பர் ஹீரோவை மறுவடிவமைக்கும் இந்த கதைக்கரு அதிகபட்ச 3,500-வார்த்தைகள் கொண்டதாக சமர்ப்பிக்க, எழுத்தாளர்கள் அழைக்கப்படுகிறார்கள். இறுதியில், இந்த போட்டியில் ரசிகர்களின் ஆதரவை அதிகமாக பெறும் வெற்றியாளர் உதவி எழுத்தாளராக அல்லது உதவி இயக்குநராக ஒரு திரைப்படத்தில் பணியாற்றுவதற்கான தனித்துவமான வாய்ப்பைப் பெறுவார். இது வளர்ந்து வரும் எழுத்தாளர்களுக்கு மிகச்சிறந்த வாய்ப்பாகும். தல்லா வைஷ்ணவ் மற்றும் பிரமோத் உப்பளபதி ஆகியோரால் நிறுவப்பட்ட தி ஸ்கிரிப்ட் கிராஃப்ட் தளம், புதிய திறமைகளை ஊக்குவிப்பதற்காகவும், எழுத்தாளர்களுக்கு அவர்களின் கதை சொல்லும் திறனையும் படைப்பாற்றலையும் வெளிப்படுத்தும் தனித்துவமான வாய்ப்புகளை வழங்குவகிறது.
கூடுதலாக, தி ஸ்கிரிப்ட் கிராஃப்ட் தளம் ஆடியோபுக்ஸ் அம்சத்துடன் விரிவுபடுத்த திட்டமிட்டுள்ளது, எழுத்தாளர்கள் தங்கள் கதைகளை அதிவேக ஆடியோ அனுபவங்களாக மாற்ற இது அனுமதிக்கிறது. ஆடியோ கதைசொல்லலை விரும்பி கேட்போர் உட்பட, எழுத்தாளர்கள் பரந்த பார்வையாளர்களை அடைய உதவும் வகையில் இந்த வளர்ச்சி அமைக்கப்பட்டுள்ளது.
பிரபாஸ் இன்ஸ்டாகிராமில் பகிர்ந்துள்ளதாவது.., "இந்த மேடையில் உங்கள் கதையைப் பகிர்ந்து கொள்ளுங்கள், உலகை ஊக்குவிக்க சிறப்பான வழியாக இதைப் பயன்படுத்திகொள்ளுங்கள், எழுத்தாளர்களின் வார்த்தைகளை மற்றும் பார்வையாளர்கள் தங்கள் விருப்பத்தின் மூலம் மேம்படுத்துவார்கள். இந்த தளத்தில் அனைவரும் இணையுங்கள். #TheScriptCraft குழுவிற்கு வாழ்த்துகள்! https://www.thescriptcraft.com/ @TSCWriters #Vaishnav @uppalapatipramod #CreativeCommunity"
தி ஸ்கிரிப்ட் கிராஃப்டில் பிரபாஸின் ஈடுபாடு, எழுத்தாளர்களுக்கு ஒரு நேர்மறையான இடத்தை வளர்ப்பதிலும் தனித்துவமான கதைசொல்லலை ஊக்குவிப்பதிலும் உள்ள அவரது அர்ப்பணிப்பை எடுத்துக்காட்டுகிறது. ஸ்கிரிப்ட் கிராஃப்ட் எழுத்தாளர்களை ஆதரிப்பதிலும், கதை சொல்லும் கலையை மதிக்கும், வரவேற்பு தளத்தை உருவாக்குவதிலும் பிரபாஸ் கொண்டிருந்த அர்ப்பணிப்பின் பிரதிபலிப்பாகும்.
தி ராஜா சாப், சலார்: பாகம் 2 - சௌரியங்க பர்வம், கல்கி 2 மற்றும் ஹனு ராகவபுடியுடன் பெயரிடப்படாத திரைப்படம் என பிரபாஸை திரையில் தரிசிக்க, ரசிகர்கள் ஆவலோடு காத்திருக்கும் உள்ளனர்.
- உலக செய்திகள்
- |
- சினிமா
