Review :

கபடி வீரரான ராஜ்கிரண் ஊரின் பெரிய மனிதராக வாழ்ந்து வரும் ராஜ்கிரணுக்கு இரண்டு மனைவிகள். மக்கள் இவருக்கு சிலை வைக்கும் அளவுக்கு மரியாதையை கொண்டுள்ளனர். இவருடைய முதல் மனைவியும் மகனும் இறந்துவிட்ட  நிலையில் இரண்டாவது மனைவி மற்றும் அவருடைய மகன் மருமகள் பேரன் பேத்தி என வாழ்ந்துவருகிறார். இறந்து போன மூத்த மனைவியின் மகனின் மனைவியான ராதிகாவும், மகனுமான அதர்வாவும் குடும்பத்தில் ஏற்பட்ட ஒரு பிரச்சினையால் ஒதுக்கி வைக்கப்படுகின்றனர். பேரனான அதர்வாவோ எப்படியாவது தாத்தா குடும்பத்துடன் சேர முயற்சித்து வருகிறார். குடும்பத்தை ஒன்று சேர்த்தாரா? அதற்கு என்ன முயற்சிகள் எடுத்தார்? அந்த முயற்சிகள் வெற்றி பெற்றதா? என்பதுதான் "பட்டத்து அரசன்" படத்தின் கதை 

கதாநாயகனாக நடித்துள்ள அதர்வா நடிப்பின் மூலம் அனைவரையும் கவர்ந்துள்ளார் . அவருக்கு கொடுக்கப்பட்டு பணியை சிறப்பாக செய்து முடித்துள்ளார். காதல் காட்சிகளில் அளவாக நடித்திருப்பவர் செண்டிமெண்ட் காட்சிகளில் அனைவரையும் கவரும்படி நடித்திருக்கிறார். ஆக்‌ஷன் காட்சிகளிலும் குடும்ப பாச காட்சிகளிலும் கைத்தட்டல் பெறுகிறார்.

குடும்பத் தலைவர் ராஜ்கிரண், மூன்று விதமான கெட்டப்புகளில் வித்தியாசத்தை வெளிப்படுத்தி நடித்திருக்கிறார். கபடி விளையாடும் இடங்களில் கைத்தட்டல்களை பெறுகிறார்.

நாயகியாக நடித்திருக்கும் புதுமுகம் ஆஷிகா ரங்கநாத் குடும்ப பாங்கான முகம். கபடி வீராங்கனையாக நடித்திருப்பவர் காதல் காட்சிகளிலும், கபடி போட்டியிலும் அளவான நடிப்பு மூலம் ஜொலிக்கிறார்.

ராதிகா சரத்குமார், ஜெயபிரகாஷ், ஆர்.கே.சுரேஷ், சிங்கம் புலி, பால சரவணன் என படத்தில் நடித்த பலரும் அவர்களின் பணியை சரியாக செய்துள்ளனர். 

ஜிப்ரானின் பின்னணி இசைக்கோர்ப்பு காட்சிகளுக்கான தரமான வார்ப்பு. லோகநாதன் ஒளிப்பதிவில் கபடி ஆட்டங்கள் களைக்கட்டுகின்றன. 

சிங்கம் புலி கொஞ்சம் கொஞ்சம் காமெடி செய்கிறார், பாலா சரவணன் காமெடி செய்ய முயற்சி செய்திருக்கிறார். 

கபடி விளையாட்டை மையமாக வைத்து கதை எழுதப்பட்டிருந்தாலும், குடும்ப செண்டிமெண்டோடு திரைக்கதை அமைத்திருக்கும் இயக்குநர் சற்குணம், அதை முழுமையான பொழுதுபோக்கு படமாக கொடுத்திருக்கிறார்.

 "பட்டத்து அரசன்" படத்திற்கு மதிப்பீடு 3.5/5

Verdict : கிராமத்தையும், விளையாட்டையும் ஒன்றிணைக்கும் கதை.