Review :

"மாருதி நகர் போலீஸ் ஸ்டேஷன்"  D Pictures  தயாள் பத்மநாபன் தயாரித்து இயக்கி இருக்கும் இந்த படத்திற்கு  இசை மணிகந்த் கத்ரி. இந்த படத்தில் வரலட்சுமி சரத்குமார், சந்தோஷ் பிரதாப், மகத், அமித் பார்கவ், ஆரவ், இயக்குனர் சுப்பிரமணியம் சிவா மற்றும் பலர் நடித்துள்ளனர். 

வரலட்சுமி சரத்குமார், சந்தோஷ் பிரதாப், மஹத் ராகவேந்திரா, யாசர், விவேக் ராஜகோபால் ஒன்றாக ஆசிரமத்தில் வளர்ந்தவர்கள். இதில்  போலீஸ் அதிகாரியாக இருக்கும் வரலட்சுமி சரத்குமாரும், மஹத் ராகவேந்திராவும் காதலிக்கிறார்கள். திடீரென மாருதி நகர் போலீஸ் ஸ்டேஷன் கட்டுக்குள் இருக்கும் பகுதியில் காணாமல் போன மஹத் ராகவேந்திரா கொலை செய்யப்படுகிறார். இதனை கண்டுபிடிக்க வரலட்சுமி சரத்குமார் மாருதி நகர் போலீஸ் ஸ்டேஷனுக்கு மாற்றல் வாங்கி வருகிறார். மஹத்தை கொன்றவர்களை கண்டுபிடித்த வரலட்சுமி சரத்குமார் அவர்களை கொள்ளப்போகும் சமயத்தில் வேறு ஒரு மர்ம கும்பல் அவனை கொன்றுவிடுகிறது. இதனை விசாரிக்க உதவி கமிஷனர் ஆரவ் நியமிக்கப்படுகிறார். இவரின் விசாரணையில் உண்மையான குற்றவாளியை கண்டுபிடித்தாரா? அவர்களை கொன்றது யார்? மஹத்தை கொன்றது யார்? கொலைக்கான காரணம்   என்ன? என்பதே "மாருதி நகர் போலீஸ் ஸ்டேஷன்" படத்தின் கதை. 

படத்தின் நாயனாக நடித்திருக்கும் ஆரவ் இடைவேளையின் போது வந்தாலும்  அவருடைய ஸ்கிரீன் பிரஷன்ஸ் மற்றும் கதாபாத்திரத்தை கையாண்ட விதம் என்று அனைத்து விதத்திலும் படத்திற்கு மிகப்பெரிய பலம் சேர்த்திருக்கிறார். போலீஸ் உடையில் கம்பீரமாக காட்சியளிக்கும் ஆரவ், நடிப்பிலும் கம்பீரத்தை வெளிப்படுத்தி  கதாபாத்திரத்திற்கு மெருகு கூட்டி இருக்கிறார்.ஆரவுக்கு ஆக்‌ஷன் ஹீரோவுக்கான எல்லா தகுதியும் உள்ளது என்பதை நிரூபித்திருக்கிறார். 

வரலட்சுமி சரத்குமார், தனக்கு கொடுத்த வேலையை குறையில்லாமல் செய்திருந்தாலும் ஒரே மாதிரியாக முக பாவனைகள் சலிப்படைய செய்கிறது. அவருக்கு அந்த வேடம் கச்சிதமாக பொருந்தினாலும், அந்த கதாபாத்திரத்திற்கான வேகம்  குறைவு. 

சந்தோஷ் பிரதாப்பிற்கு இந்த படத்தில் தன்னுடைய நடிப்பாற்றலை வெளிப்படுத்துவதற்கு போதுமான இடம் கிடைக்கவில்லை என்றாலும் அந்த கதாபாத்திரத்திற்கு ஏற்றார் போல் நன்றாக நடித்துள்ளார். 

இசை மணிகாந்த் கத்ரி, படத்தின் பாடல்கள் ஒரு தடையாக இருந்தாலும் பின்னணி இசை சில இடங்களில் ரசிகர்களை ரசிக்க வைக்கிறது. பரபரப்பான கொஞ்சம் திரில்லர் பாணியில் தான் இந்த படமும் உருவாகிறது. ஆனால், சில இடங்களில் அதிக லாஜிக் குறைபாடுகள் நடந்திருக்கிறது.

வில்லனாக நடித்திருக்கும் சுப்பிரமணிய சிவா, விவேக் ராஜகோபாலன், யாசர், அமித் பார்கவ் என படத்தில் நடித்த அனைவரும் அவர் அவர் வேலையை சரியாக செய்திருக்கிறார்கள்.

படத்தின் பெரும்பாலான காட்சிகள் போலீஸ் ஸ்டேஷனை சுற்றி நடக்கிறது. ஆனால், போர் எதுவும் அடிக்கவில்லை .சலிப்புத் தட்டாத வகையில் தனது கேமரா கோணங்களால் அசத்தியுள்ளார் ஒளிப்பதிவாளர் சேகர் சந்திரா.

சில இடங்களில் அதிக லாஜிக் குறைபாடுகள் நடந்திருக்கிறது. அதேபோல் நண்பர்களுக்கு இடையான காட்சிகளும் பெரிதாக இல்லை. கதைக்களம் சரியாக இருந்தாலும் கதையை கொண்டு சென்ற விதத்தில் சொதப்பி இருக்கிறார்.

"மாருதி நகர் போலீஸ் ஸ்டேஷன்" படத்திற்கு மதிப்பீடு 2.5/5

Verdict : பார்க்கலாம்.