சற்று முன்

2025 தீபாவளிக்காக பிரதீப் ரங்கநாதன், மமிதா பைஜூ நடிப்பில் உருவாகி வரும் புதிய திரைப்படம்!   |    கெட்ட எண்ணம் உள்ளவர்கள் நிர்வாகத்திற்கு வந்துவிட்டால் எல்லாம் முடிந்தது - ஆர்.கே. செல்வமணி   |    முன்னணி நட்சத்திரங்கள் இணைந்து வெளியிட்ட விஜய் சேதுபதியின் 'ஏஸ்' (ACE ) பட முன்னோட்டம்!   |    சூர்யாவிற்கு வைர மோதிரத்தை பரிசளித்த விநியோகஸ்த!   |    பத்திரிக்கை ஊடக, பண்பலை நண்பர்களைச் சந்தித்து, நன்றி தெரிவித்த சூர்யா!   |    கோலாகலமாக நடைபெற்ற டாகடர்.ஐசரி கே கணேஷ் மகள் சிறப்பு திருமண வரவேற்பு!   |    கேன்ஸ் 2025 திரை விழாவில் அதிகாரபூர்வ போட்டியில் பங்கு பெற்ற தமிழ்ப்படம் 'மாண்புமிகு பறை'!   |    முன்னணி நட்சத்திரங்கள் கலந்துகொண்ட 'கிராண்ட் காலா ஃபேஷன் வீக்'   |    இதயத் துடிப்பை எகிற வைக்கும் கிரைம் திரில்லர் 'பிளாக் ரோஸ்' முன்னோட்டம் வெளியீடு!   |    பரபரப்பான 'டென் ஹவர்ஸ்' திரைப்படம் இப்பொழுது டெண்ட்கோட்டா OTT இல்!   |    'டெவில்ஸ் டபுள் நெக்ஸ்ட் லெவல்' திரைப்படத்தின் வெளியீட்டு முன் நிகழ்வு!   |    அஜித்துடன் நடித்ததன் மூலம் தனது கனவு நிறைவேறியதாக கூறும் நடிகை   |    நடிகர் சூர்யா பத்து கோடி ரூபாய் நிதியுதவி!   |    இரண்டு நிமிசம் ட்ரெய்லரை பார்த்து கண் கலங்குவது என்பது இதுதான் முதல் முறை! - சிறுத்தை சிவா   |    இயக்குநர் மிஷ்கின், துல்கர் சல்மான் இணைந்து நடிக்கும் 'ஐ அம் கேம்' பூஜையுடன் துவங்கியது!   |    தீபாவளி கொண்டாட்டமாக உலகமெங்கும் துருவ் விக்ரம் நடிக்கும் படம் 'பைசன் காளமடான்' வெளியாகிறது!   |    துல்கர் சல்மானின் 40 வது திரைப்படமான 'ஐ அம் கேம்' படத்தில் இயக்குநர் மிஷ்கின் இணைந்துள்ளார்   |    ஓடிடி- யில் உலகில் சாதனை படைத்து வருகிறது ZEE5-இன் 'அய்யனா மானே' சீரிஸ்!   |    'நாக் நாக்' கில், நான் கதாநாயகனாக இருக்கலாம். ஆனால் நான் ஹீரோ கிடையாது - இயக்குநர் ராகவ் ரங்கநாதன   |    பார்க்கிங் பட இயக்குநர் ராம்குமார் பாலகிருஷ்ணன் இயக்கும் #STR49 பூஜையுடன் துவங்கியது!   |   

croppedImg_1316090092.jpeg

’ஸ்வீட் ஹார்ட்’ விமர்சனம்

Directed by : Swineeth S.Sukumar

Casting : Rio Raj, Gopika Ramesh, Arunachaleswaran PA, Fouzee

Music :Yuvan Shankar Raja

Produced by : YSR Films - Yuvan Shankar Raja

PRO : Yuvaraj

Review :

"ஸ்வீட் ஹார்ட்" ஸ்வினீத் S.சுகுமார் இயக்கத்தில் YSR பிலிம்ஸ் - யுவன் ஷங்கர் ராஜா தயாரிப்பில் உருவாகியிருக்கும் இந்த படத்திற்கு இசை யுவன் ஷங்கர் ராஜா. இந்த படத்தில் ரியோ ராஜ், கோபிகா ரமேஷ், அருணாச்சலேஸ்வரன் PA, பௌசீ  மற்றும் பலர் நடித்துள்ளனர்.  

 

சிறு வயதில் ஏற்பட்ட கசப்பான அனுபவத்தால் திருமணம், குழந்தை உள்ளிட்ட குடும்ப உறவுகளின் மீது நம்பிக்கை இல்லாமல் இருக்கிறார் நாயகன் ரியோ ராஜ். ஆனால், அவரது காதலி கோபி ரமேஷ் திருமணம் செய்து கொண்டு குழந்தை பெற்று கொள்ள வேண்டும் என்ற எண்ணத்தில் இருக்கிறார். இதனால் இருவருக்கும் இடையே கருத்து வேறுபாடு ஏற்பட்டு பிரிந்து விடுகிறார்கள். பிரிவுக்குப் பிறகு கோபி ரமேஷ் கர்ப்பமடைந்திருப்பதை தெரிந்து கொள்ளும் ரியோ ராஜ், கருவை கலைத்துவிடும்படி சொல்கிறார். குழந்தை பெற்று கொண்டு ரியோ ராஜுடன் சேர்ந்து வாழ விரும்பும் கோபிகா  ரமேஷ், தனது விருப்பத்தை வெளிக்காட்டாமல், ரியோ ராஜின் முடிவுக்கு சம்மதம் தெரிவிக்க, நாயகன் காதலி வயிற்றில் வளரும் கருவை கலைத்தாரா? அல்லது அதன் மூலம் மனம் மாறினாரா ? என்பதை காதல், காமெடி என கலப்படமாக சொல்ல முயற்சித்திருப்பது தான் ‘ஸ்வீட் ஹார்ட்’.

 

எப்படியாவது காதல் ஹீரோவாக ரசிகர்கள் மனதில் இடம் பிடித்து விட வேண்டும் என்ற முயற்சியில் ரியோ ராஜ் தீவிரமாக ஈடுபட்டிருந்தாலும், அதற்கான சரியான கதைக்களம் அவருக்கு அமையவில்லை. காதலி உடனான நெருக்கம், மோதல் என நடிப்பில் குறையில்லை என்றாலும், காதலியுடனான கெமிஸ்ட்ரி எடுபடாமல் போவதால் ரியோ ராஜும் எடுபடாமல் போகிறார்.

 

நாயகியாக நடித்திருக்கும் கோபிகா ரமேஷ், தனக்கென்று தனி விருப்பம் இருந்தாலும் அதை வெளிக்காட்டாமல் காதலனின் மனநிலையை புரிந்துகொண்டு சூழல்களை எதிர்கொள்ளும் பெண்களை பிரதிபலிக்கும் வேடத்தில் கச்சிதமாக நடித்திருக்கிறார்.

 

அருணாச்சலேஸ்வரன், பெளசி உள்ளிட்ட மற்ற வேடங்களில் நடித்திருப்பவர்கள் அவர் அவர் வேலையை சரியாக செய்திருக்கிறார்கள்.

 

யுவன் சங்கர் ராஜாவின் இசையில் சில பாடல்கள் மனதை வருடுவது போல் இருந்தாலும், சில பாடல்கள் ஏனோ தானோ என்று பயணித்திருக்கிறது. பின்னணி இசை சுமார்.

 

ஒளிப்பதிவாளர் பாலாஜி சுப்ரமணியம், நாயகன், நாயகிக்கு அதிகமான க்ளோஷப்களை வைத்திருக்கிறார். அதிலும், நாயகன் ரியோ ராஜுக்கு தேவையில்லாத குளோஷப்களை வைத்து அவரை குறையாக காட்டியிருப்பது படத்திற்கு மிகப்பெரிய பலவீனம்.

 

சாதாரண திரைக்கதை மற்றும் காட்சியமைப்பாக இருந்தாலும், அதை ரசிகர்களிடம் வித்தியாசமாக சொல்ல வேண்டும் என்பதற்கான நான்லீனர் முறையை கையில் எடுத்திருக்கிறார் படத்தொகுப்பாளர் தமிழரசன், ரசிகர்கள் குழப்பமடையாத வகையில் காட்சிகளை தொகுத்திருக்கிறார்.

 

எழுதி இயக்கியிருக்கும் ஸ்வினீத் எஸ்.சுகுமார், காதல் மூலம் மனித உறவுகளின் முக்கியத்துவத்தை பேச முயற்சித்திருக்கிறார். நாயகன், நாயகி இடையிலான காதல் கெமிஸ்ட்ரி தான் படத்தின் முக்கிய அம்சம் என்றாலும், அது படத்தில் எடுபடாமல் போனது படத்தின் மிகப்பெரிய பலவீனம்.

 

காதலன், காதலி இடையிலான பிரிவுவையும், அதன் வலியையும் சொல்ல வரும் கதையை, கருக்கலைப்புக்கு முக்கியத்துவம் தரும்படியான திரைக்கதை மற்றும் காட்சி அமைப்புகள் தடம் மாறச்செய்வதுடன், படத்துடன் ரசிகர்களை ஒட்டவிடாமல் செய்கிறது. 

 

சில இடங்களில் சில காட்சிகள் நகைச்சுவையாக இருந்தாலும், ஒட்டுமொத்தமாக பார்க்கும் போது படத்தில் பேசப்பட்டிருக்கும் காதலில் எந்தவொரு பாதிப்பும் இல்லை.

 

"ஸ்வீட் ஹார்ட்" படத்திற்கு மதிப்பீடு 2.5/5

 

 

Verdict : சுமாரான கதை

மேலும் திரைப்பட விமர்சனம்

  • WORLD TAMIL
  • |
  • CINEMA