Review :

"கார்மேனி செல்வம்" ராம் சக்ரி இயக்கத்தில் அருண் ரங்கராஜுலு தயாரிப்பில் உருவாகியிருக்கும் இந்த படத்திற்கு இசை மியூசிக்லவுட் ஸ்டுடியோஸ் & டெக்னாலஜி. இந்த படத்தில் சமுத்திரக்கனி, லக்‌ஷ்மி பிரியா சந்திரமெளலி, கெளதம் வாசுதேவ் மேனன், அபிநயா மற்றும் பலர் நடித்துள்ளனர்.  

கார் ஓட்டுநராக வேலை செய்யும் சமுத்திரக்கனி, தனது வருமானத்திற்கு ஏற்ற அளவில் குடும்பத்துடன் சந்தோஷமாக வாழ்ந்து வருகிறார். ஆனால் சொந்த வீடும், காரும் வாங்க வேண்டும் என்ற ஆசை அவரை கடன் வாழ்க்கைக்குள் தள்ளுகிறது. ஆரம்பத்தில் அவசர தேவைக்காக எடுத்த கடன், பின்னர் ஆசைகளை நிறைவேற்றும் வழியாக மாறி, அவரை பெரிய சிக்கலில் சிக்கவைக்கிறது. அந்த பிரச்சனைகளில் இருந்து அவர் எப்படி வெளிவருகிறார் என்பதையே ‘கார்மேனி செல்வம்’ எளிமையாக சொல்லுகிறது.

சமுத்திரக்கனி, செல்வம் என்ற கதாபாத்திரத்தில் மிகவும் இயல்பாக நடித்து, ஒரு நடுத்தர மனிதனின் மனநிலையை நம்மிடம் கொண்டு வந்து சேர்த்திருக்கிறார்.

சமுத்திரக்கனி மனைவியாக நடித்திருக்கும் லட்சுமி பிரியா சந்திரமெளலி, குடும்ப பெண்ணின் உணர்வுகளை மிகவும் நிஜமாக வெளிப்படுத்தி படத்திற்கு பலம் சேர்க்கிறார்.

கௌதம் வாசுதேவ் மேனன், அபிநயா மற்றும் சிறுவன் கரண் சக்கரவர்த்தி உள்ளிட்டோர் தங்களது கதாபாத்திரங்களை சரியாக செய்து கதைக்கு துணையாக இருக்கிறார்கள்.

ஒளிப்பதிவாளர் யுவராஜ் தக்‌ஷன், நகர வாழ்க்கையின் வேகத்தையும், அமைதியான குடும்ப வாழ்க்கையையும் அழகாக காட்சிப்படுத்தியுள்ளார். இசையும் கதைக்கு ஏற்றபடி அமைந்து காட்சிகளுக்கு உதவுகிறது.

சில இடங்களில் திரைக்கதை மெதுவாக நகர்வதும், சில கதாபாத்திர வடிவமைப்புகளில் சற்று குறை இருப்பதும் உணரப்பட்டாலும், தேவையற்ற ஆசைகள் மனித வாழ்க்கையை எப்படி பாதிக்கிறது என்பதை நல்ல முறையில் எடுத்துரைக்கும் படம் இது.

இருப்பதை வைத்து திருப்தியாக வாழ வேண்டும் என்ற முக்கியமான கருத்தை இயக்குநர் ராம் சக்ரி நன்றாக பதிவு செய்திருக்கிறார். ஒரு சாதாரண குடும்பத்தின் கனவுகள், ஆசைகள் மற்றும் அதன் பின்னணியில் வரும் பிரச்சனைகளை இயல்பாக காட்டி சிந்திக்க வைக்கிறார்.

மொத்தத்தில், குடும்ப வாழ்க்கை மற்றும் ஆசை-நிறைவு பற்றிய ஒரு எளிய ஆனால் சிந்திக்க வைக்கும் படமாக ‘கார்மேனி செல்வம்’ நினைவில் நிற்கிறது.

"கார்மேனி செல்வம்" படத்திற்கு மதிப்பீடு 3/5

Verdict : சிந்திக்க வைக்கும் குடும்பப்படம்