தேசிய விளையாட்டு போட்டியில் ஜார்கண்ட் வில்வித்தை வீராங்கனை தீபிகா குமாரி இரட்டை தங்கப்பதக்கம் வென்றார்.
35-வது தேசிய விளையாட்டு போட்டிகள் கேரளாவில் பல்வேறு இடங்களில் நடந்து வருகிறது. 9-வது நாளான நேற்று வில்வித்தை மங்கை ஜார்கண்ட் மாநிலத்தை சேர்ந்த தீபிகா குமாரி அசத்தினார்.
வில்வித்தை ரீகர்வ் பெண்கள் அணிகள் பிரிவில் தீபிகா குமாரி, பம்பையலா தேவி உள்ளிட்டோர் அடங்கிய ஜார்கண்ட் அணி 6-2 என்ற கணக்கில் மணிப்பூரை தோற்கடித்து தங்கப்பதக்கத்தை கைப்பற்றியது. இதே போல் கலப்பு இரட்டையர் பிரிவில் ஜெயந்த் தலுக்தருடன் இணைந்தும் தீபிகா குமாரி தங்கத்தை வசப்படுத்தினார்.
ஆனால் தனிநபர் பிரிவு தான் தீபிகாவுக்கு ஏமாற்றம் அளித்தது. முன்னாள் நம்பர் ஒன் வீராங்கனையான தீபிகா குமாரி இதில் இறுதிப்போட்டிக்கு கூட முன்னேறவில்லை. வெண்கலப்பதக்கத்திற்கான ஆட்டத்திலும் 2-6 என்ற கணக்கில் உத்தரபிரதேச வீராங்கனை சீமா வர்மாவிடம் அவர் தோற்றுபோனார்.
இதற்கிடையே, எதிர்பார்ப்புக்கு மத்தியில் தடகள போட்டிகள் நேற்று தொடங்கியது. நட்சத்திர நீளம் தாண்டுதல் வீரர் கேரளாவின் ரஞ்சித் மகேஷ்வரி தகுதி சுற்றில் தவறான தொடக்கம் காரணமாக தகுதி நீக்கம் செய்யப்பட்டார்.
அதே சமயம் கேரள வீராங்கனை ஓ.பி.ஜெய்ஷா எதிர்பார்த்தது போலவே 5 ஆயிரம் மீட்டர் ஓட்டத்தில் முதலிடத்தை பிடித்தார். அவர் 15 நிமிடம் 31.37 வினாடிகளில் இலக்கை கடந்து புதிய போட்டித் சாதனையுடன் தங்கப்பதக்கத்தை ருசித்தார். மராட்டியத்தின் லலிதா பாபர் 2-வது இடத்தை (15 நிமிடம் 46.73 வினாடி) பெற்றார்.
நேற்றைய போட்டிகள் முடிவில் பதக்கப்பட்டியலில் நடப்பு சாம்பியன் சர்வீசஸ் அணி 51 தங்கம் 16 வெள்ளி, 17 வெண்கலத்துடன் தொடர்ந்து முதலிடத்திலும், மராட்டிய அணி 27 தங்கம், 40 வெள்ளி, 29 வெண்கலத்துடன் 2-வது இடத்திலும், அரியானா 27 தங்கம், 18 வெள்ளி, 7 வெண்கலத்துடன் 3-வது இடத்திலும் நீடிக்கிறது.
தமிழக அணி 10 தங்கம், 7 வெள்ளி, 14 வெண்கலத்துடன் 7-வது இடத்தில் இருக்கிறது.
35-வது தேசிய விளையாட்டு போட்டிகள் கேரளாவில் பல்வேறு இடங்களில் நடந்து வருகிறது. 9-வது நாளான நேற்று வில்வித்தை மங்கை ஜார்கண்ட் மாநிலத்தை சேர்ந்த தீபிகா குமாரி அசத்தினார்.
வில்வித்தை ரீகர்வ் பெண்கள் அணிகள் பிரிவில் தீபிகா குமாரி, பம்பையலா தேவி உள்ளிட்டோர் அடங்கிய ஜார்கண்ட் அணி 6-2 என்ற கணக்கில் மணிப்பூரை தோற்கடித்து தங்கப்பதக்கத்தை கைப்பற்றியது. இதே போல் கலப்பு இரட்டையர் பிரிவில் ஜெயந்த் தலுக்தருடன் இணைந்தும் தீபிகா குமாரி தங்கத்தை வசப்படுத்தினார்.
ஆனால் தனிநபர் பிரிவு தான் தீபிகாவுக்கு ஏமாற்றம் அளித்தது. முன்னாள் நம்பர் ஒன் வீராங்கனையான தீபிகா குமாரி இதில் இறுதிப்போட்டிக்கு கூட முன்னேறவில்லை. வெண்கலப்பதக்கத்திற்கான ஆட்டத்திலும் 2-6 என்ற கணக்கில் உத்தரபிரதேச வீராங்கனை சீமா வர்மாவிடம் அவர் தோற்றுபோனார்.
இதற்கிடையே, எதிர்பார்ப்புக்கு மத்தியில் தடகள போட்டிகள் நேற்று தொடங்கியது. நட்சத்திர நீளம் தாண்டுதல் வீரர் கேரளாவின் ரஞ்சித் மகேஷ்வரி தகுதி சுற்றில் தவறான தொடக்கம் காரணமாக தகுதி நீக்கம் செய்யப்பட்டார்.
அதே சமயம் கேரள வீராங்கனை ஓ.பி.ஜெய்ஷா எதிர்பார்த்தது போலவே 5 ஆயிரம் மீட்டர் ஓட்டத்தில் முதலிடத்தை பிடித்தார். அவர் 15 நிமிடம் 31.37 வினாடிகளில் இலக்கை கடந்து புதிய போட்டித் சாதனையுடன் தங்கப்பதக்கத்தை ருசித்தார். மராட்டியத்தின் லலிதா பாபர் 2-வது இடத்தை (15 நிமிடம் 46.73 வினாடி) பெற்றார்.
நேற்றைய போட்டிகள் முடிவில் பதக்கப்பட்டியலில் நடப்பு சாம்பியன் சர்வீசஸ் அணி 51 தங்கம் 16 வெள்ளி, 17 வெண்கலத்துடன் தொடர்ந்து முதலிடத்திலும், மராட்டிய அணி 27 தங்கம், 40 வெள்ளி, 29 வெண்கலத்துடன் 2-வது இடத்திலும், அரியானா 27 தங்கம், 18 வெள்ளி, 7 வெண்கலத்துடன் 3-வது இடத்திலும் நீடிக்கிறது.
தமிழக அணி 10 தங்கம், 7 வெள்ளி, 14 வெண்கலத்துடன் 7-வது இடத்தில் இருக்கிறது.
