சற்று முன்
சினிமா செய்திகள்
RAABA MEDIAவின் கின்னஸ் உலக சாதனை நடன நிகழ்ச்சி
Updated on : 21 November 2018
RAABA MEDIA EVENTS INDIA பெருமையுடன் வழங்கும் GUINNESS WORLD RECORD - 2018 DECEMBER 22 முதல் 31 வரை நடைபெற உள்ளது .இவ்வுலக சாதனை "DANCE RELAY 222"என்ற பெயரில் நடை பெறுகிறது .
இந்த மாபெரும் உலக சாதனையில் நடன கலைகர்கள் மற்றும் பங்கற்பாளர்கள் தனித்தனியாக "222"மணி நேரம் தொடர்ந்து நடனம் புரிவார்கள் .ஒரு நிமிடம் கூட இடைவெளி இல்லாமல் ஒவ்வொருவராக நடனம் புரிவார்கள் .
இந்த DANCE RELAY என்னும் பெயர் கொண்ட உலக சாதனையை இதற்கு முன்னதாக ஆந்திர மாநிலத்தில் 25 மணி நேரம் 02 நிமிடங்கள் நடனம் புரிந்து சாதனையை பெற்றுள்ளனர் .
இதை முறியடிக்கும் முறையில் RAABA MEDIA இச்சாதனையை முறியடிக்க 26 மணி நேரமே போதும் என்றாலும் பிறர் எவராலும் முறியடிக்க படாத சாதனையாக மாற வேண்டும் என்ற நோக்கத்தோடு 222 மணி நேரமாக அதிகரித்து மேலும் வேறு எவரும் முறியடிக்க முடியாத அளவில் இச்சாதனையை நடத்த திட்டமிட்டுள்ளனர்.
எங்களின் உலக சாதனைக்கான MARATHAN DANCE RELAY பெயரில் அனுப்பப்பட்ட விண்ணப்பம் GUINNESS WORLD RECORD குழுவால் சரி பார்க்கப்பட்டு 22.10.18 அன்று எங்களின் விண்ணப்பத்தை ஏற்றுக்கொள்ளப்பட்டதாக தெரிவிக்கப்பட்டது .
எங்களின் விண்ணப்பத்தின் சரிபார்ப்பு எண் :180909094628LDMR திரு.பிரசன்னா ராமானுஜம் RAABA MEDIA வின் இயக்குனரின் பெயரில் GUINNESS WORLD RECORD குழுவால் அனுப்பப்பட்டது.
இவ்வுலக சாதனை தமிழ்நாட்டில் சென்னையில் உள்ள DON BOSCO MATRICULATION HR SEC SCHOOL கொடுங்கையூரில் நடைபெற உள்ளது .டிசம்பர் 22-12-2018 முதல் டிசம்பர் 31-12-2018 வரை 222 மணி நேரம் தொடர்ந்து நடைபெறும் என்பதை பெருமையுடன் தெரிவிக்கின்றோம்.
DANCE RELAY 222 வின் சிறப்பு தனித்துவம் மிகுந்த இச்சாதனையில் பங்கு பெரும் நடன கலைர்கள் தனித்தனியாக அவர்களின் நடன திறமையை வெளிப்படுத்த ஓர் அறிய வாய்ப்பை தருகின்றது .
மேலும் ஒரு குறிப்பிட்ட நடன வகைகளுக்கும் ,பாரம்பரிய நடனத்திற்கும் மட்டுமே முக்கியத்துவம் கொடுத்த நிலையில் MARATHON DANCE RELAY மூலம் அனைத்து வகை நடனங்களையும் ஊக்குவிக்கும் வகையில் நடைபெற உள்ளது.
இவ்வுலக சாதனையில் பங்கு பெரும் அனைத்து நடன கலையிர்களுக்கும் உலக சாதனையில் கலந்து கொண்ட சான்றிதழ் ,கேடயம் மற்றும் நினைவு பதக்கம் வழங்கப்படும் .
மேலும் இதில் பங்கு கொண்ட மற்றும் நடனத்தை பயிற்சி அளித்த நடன ஆசிரியர்களுக்கும் சான்றிதழ் மற்றும் நினைவு பதக்கம் வழங்கப்படும் என்பதை மகிழ்ச்சியுடன் தெரிவித்து கொள்கிறோம் .
இச்சாதனையின் நோக்கம் தமிழ்நாட்டை பெருமைப்படுத்தும் நோக்கில் அமைக்கப்பட்டது .மேலும் இச்சாதனையில் மூலம் கிடைக்கும் தொகையை வறுமையின் காரணங்களால் தங்களின் நடன லக்ஷயத்தை மேற்கொள்ள இயலாத நடன கலைக்கற்களுக்கு,RAABA MEDIA வின் EVENTS INDIA மூலமாக வாய்ப்புகளும் ,வழி முறைகளும் வழங்கப்படும் என்பதை மகிழ்ச்சியுடனும் ,பெருமையுடனும் தெரிவித்து கொள்கிறோம் . எந்தவித சுயநலமும் இன்றி முழுக்க முழுக்க பொதுநலத்துடன் இச்சாதனை நிகழ்ச்சி நடைபெற உள்ளது .
நடன சாதனை நிகழ்ந்து கொண்டிருக்கும் வேலையில் பங்கேற்பாளர்கள் ,பார்வையாளர்கள் அல்லது ஊழியர்கள் சட்ட விரோத செயல்கள் அல்லது எங்களின் விதிமுறையை மீறிய செயல்களில் ஈடுபட்டால் எந்தவித விளக்கமும் இல்லாமல் அந்த தனி நபரை அல்லது குழுவை நீக்கம் செய்யப்படுவர் தேவைப்பட்டால் சட்ட ரீதியான நடவடிக்கைகளுக்கும் எடுக்கப்படும் என்பதை தெரிவித்து கொள்கிறோம்.நடன கலைஜீர்கள் அவர்களது நடனம் முடிந்ததும் உடனடியாக பள்ளி வளாகத்திலிருந்து வெளியேறவேண்டும் .
இச்சாதனை முழுக்க முழுக்க நல்லெண்ணத்தின் அடிப்படையில் நடைபெறவுள்ளது மேலும் சட்டத்தின் விதிகள் அனைத்தயும் பின்பற்றியே ,சட்டத்தின் அனுமதி பெற்றே நடைபெறவுள்ளது . இச்சாதனையின் பெயரில் எந்த ஒரு தனி நபர் எங்களின் விதியையோ அல்லது சட்டத்தின் விதியையோ மீறுவதை ஒரு போதும் எங்கள் குழு அனுமதிப்பது இல்லை .மேலும் எந்த ஒரு தனி நபரோ இந்த உலா சாதனையின் பெயரில் களங்கம் ஏற்படுத்தினால் சட்ட ரீதியான நடவடிக்கை எடுக்கப்படும் என்பதை தெரிவித்து கொள்கிறோம் .
இந்த உலக சாதனையை நல்வழியில் மேற்கொள்ள அணைத்து தரப்பினரும் ,அவ்ர்களால் முடிந்த உதவியை செய்து வருவதை நாங்கள் மகிழ்ச்சியுடன் வரவேற்கின்றோம் .
மேலும் ஊடகங்களின் பெரும் ஒத்துழைப்பு எங்கள் சாதனையை ஒரு சரித்திரமாகவே மாற்றும் என்ற நம்பிக்கையை மேலும் அதிகரித்துள்ளது.எங்கள் சாதனை பயணம் நன்றாக தொடங்கி சிறப்புடனும் ,வெற்றியடனும் பயணத்தை முடிப்பதற்கு ஊடகங்கள் ஆகிய உங்களின் பங்கும் ,வாழ்த்துக்களும் எங்களுக்கு மிகவும் முக்கியமான ஒன்று என்பதை பணிவுடன் தெரிவித்து கொள்கிறோம் .
சமீபத்திய செய்திகள்
சசிகுமார் - சிம்ரன் இணையும் முதல் திரைப்படம்!
நடிகர் சசிகுமார் கதையின் நாயகனாக நடிக்கும் புதிய திரைப்படத்திற்கு 'புரொடக்ஷன் நம்பர் 5' என பெயரிடப்பட்டிருக்கிறது. அண்மையில் இப்படத்தின் தொடக்க விழா சென்னையில் உள்ள நட்சத்திர ஹோட்டலில் சிறப்பாக நடைபெற்றது. இன்று நடிகர் சசிகுமாரின் பிறந்த நாளை முன்னிட்டு படத்தை பற்றிய அதிகாரப்பூர்வமான அறிவிப்பை படக்குழுவினர் வெளியிட்டுள்ளனர்.
அறிமுக இயக்குநர் அபிஷான் ஜீவின்ந் இயக்கத்தில் உருவாகும் 'புரொடக்ஷன் நம்பர் 5' என தற்காலிகமாக பெயரிடப்பட்டிருக்கும் இந்த திரைப்படத்தில் சசிகுமார், சிம்ரன், மிதுன் ஜெய்சங்கர், கமலேஷ், யோகி பாபு, ரமேஷ் திலக், எம்.எஸ். பாஸ்கர், பக்ஸ் என்ற பகவதி பெருமாள் உள்ளிட்ட பலர் நடிக்கிறார்கள். அரவிந்த் விஸ்வநாதன் ஒளிப்பதிவு செய்யும் இந்த திரைப்படத்திற்கு ஷான் ரோல்டன் இசையமைக்கிறார். கலை இயக்கத்தை ராஜ் கமல் கவனிக்க, படத்தொகுப்பு பணிகளை பரத் விக்ரமன் மேற்கொள்கிறார். பாடலாசிரியர் மோகன் ராஜன் பாடல்களை எழுத, ஆடை வடிவமைப்பு பணிகளை நவா ராஜ்குமார் கையாள்கிறார். ஃபேமிலி என்டர்டெய்னராக தயாராகும் இந்த திரைப்படத்தை மில்லியன் டாலர் ஸ்டுடியோஸ் மற்றும் எம் ஆர் பி என்டர்டெயின்மென்ட் ஆகிய பட நிறுவனங்கள் சார்பில் தயாரிப்பாளர்கள் நசரேத் பசலியான், மகேஷ் ராஜ் பசலியான், யுவராஜ் கணேசன் ஆகியோர் இணைந்து தயாரிக்கிறார்கள்.
இந்த திரைப்படத்தின் படப்பிடிப்பு பணிகள் அக்டோபர் மாதம் முதல் வாரத்தில் தொடங்கும் என்றும், அடுத்த ஆண்டு கோடை மாத விடுமுறையில் இப்படத்தை வெளியிட திட்டமிடப்பட்டிருப்பதாகவும் படக்குழுவினர் உற்சாகத்துடன் தெரிவித்துள்ளனர்.
'குட்நைட்', 'லவ்வர்' போன்ற ஃபீல் குட் திரைப்படங்களை தயாரித்து தமிழ் திரைப்பட உலகில் தரமான பட தயாரிப்பு நிறுவனம் என்ற முத்திரையை பதித்து ரசிகர்களிடம் மட்டுமல்லாமல் திரையுலக வணிகர்களிடத்திலும் நன்மதிப்பை பெற்றிருக்கும் மில்லியன் டாலர் ஸ்டுடியோஸ் மற்றும் எம் ஆர் பி என்டர்டெயின்மென்ட் ஆகிய நிறுவனங்கள் இணைந்து இந்த புதிய திரைப்படத்தினை தயாரிக்கிறது என்பதும், ஹாட்ரிக் வெற்றியை வழங்கிய நட்சத்திர நடிகர் சசிகுமார் கதையின் நாயகனாக நடிக்கிறார் என்பதினாலும், படம் தொடர்பான அறிமுக அறிவிப்பு வெளியானதும் இப்படத்திற்கு பெரும் எதிர்பார்ப்பு எழுந்திருக்கிறது என்பது குறிப்பிடத்தக்கது.
நடிகர் கார்த்தி கலந்துகொண்ட செம்பொழில் கிராமத்துத் திருவிழா!
கிராமத்து மண் வாசனையை, நகரத்து மக்களுக்கு அறிமுகப்படுத்தும் வகையில், நம் பாரம்பரியத்தை, நம் விளையாட்டுக்கள், கலைகள், உணவுகள் என அனைத்தையும் கொண்டாடும் விதத்தில், செம்பொழில் குழு சென்னை YMCA மைதானத்தில் பிரம்மாண்டமாக, கிராமத்துத் திருவிழாவை நடத்தி வருகிறது. இவ்விழாவினில் சிறப்பு விருந்தினராக நடிகர் கார்த்தி இன்று கலந்துகொண்டார்.
தமிழகத்தின் பல கிராமங்களிலிருந்து தாங்கள் விளைவித்த பொருட்களை விவசாயிகள் இங்குக் கடை விரித்துள்ளனர். இந்த திருவிழாவில் கிராமத்து உணவுகள், சிறு தானிய உணவுகள், மாட்டு வண்டி, ஒயிலாட்டம், மயிலாட்டம் என ஒரு திருவிழாவில் காணக்கிடைக்கும் அனைத்தும் உள்ளது. இத்திருவிழா சனி, ஞாயிறு என அடுத்த இரண்டு நாட்களும் நடைபெறவுள்ளது.
இன்றைய விழாவில் கலந்துகொண்ட
நடிகர் கார்த்தி பேசியதாவது…
கோடை விடுமுறைக்கு ஊருக்கு போவது அவ்வளவு பிடிக்கும், ஊரை விட்டு வர மனசே வராது. அந்த மாதிரி கதை என்பதால் தான் மெய்யழகன் படம் செய்தேன். கடைக்குட்டி சிங்கம் படத்திற்குப் பிறகு, உழவன் பவுண்டேசன் ஆரம்பித்த பிறகு, சென்னையில் விவசாயிகள் விவசாயம் சார்ந்து வேலை செய்பவர்களைச் சந்தித்துப் பேசினோம். அதில் முக்கியமானவர்கள் ஹிமாக்கரன் அவர்கள், ரேகா அவர்கள், அவர் நண்பர்கள் புரபசர் இஸ்மாயில் அவர்கள், அவர்களோடு சேர்ந்து பேசும்போது, அவர்கள் எங்களுக்கு நிறைய அட்வைஸ் தந்தார்கள். சென்னையில் விவசாயம் சார்ந்து என்னென்ன செய்யலான என பேசும்போது, சென்னையில் திருவிழா நடத்திப் பல ஆண்டுகள் ஆகிவிட்டது. கொரோனாவிற்கு முன்னர் நடந்தது, நம் குழந்தைகளுக்குக் கிராமத்தைப் பற்றி, நம் உணவுகள் பற்றி, நம் பாரம்பரியம் பற்றி தெரியவில்லை, அதைத் தெரியப்படுத்தும் வகையில், பல மாதங்கள் போராடி இந்த செம்பொழில் திருவிழாவை மீண்டும் ஏற்பாடு செய்து நடத்துகிறார்கள். இதற்கு உழவன் பவுண்டேசன் ஒரு சிறு உதவியாக இருந்துள்ளது எனக்குப் பெருமை. இங்கு கிராமத்தில் நடக்கும் எல்லாமும் இருக்கிறது. மாட்டு வண்டியில் ஆரம்பித்து, காளைகள், ஒயிலாட்டம், மயிலாட்டம், சின்ன சின்ன உணவுகள், தெருக்கூத்து, எனத் திருவிழாவில் இருக்கும் அனைத்தும் இங்கு இருக்கிறது. இந்த விழா இன்னும் இரண்டு நாட்கள் நடக்கிறது. என் குடும்பத்தினர் நாளை வருகிறார்கள். எல்லோரும் வாருங்கள், உங்கள் குழந்தைகளுக்கு நம் பாரம்பரியத்தை அறிமுகப்படுத்துங்கள். ஜல்லிக்கட்டு பற்றிக் கேட்கிறார்கள், சென்னையில் நடந்தால் நல்லது தான், அதையும் இவர்களிடம் சொன்னால் ஏற்பாடு செய்து விடுவார்கள், சென்னையில் மாடு கொண்டு வந்துவிடப் பலர் ஆசைப்படுவார்கள், போட்டி போடுவார்கள், எல்லா காளைகளும் வந்துவிடும். நான் நிஜத்தில் ஜல்லிக்கட்டு பார்த்ததில்லை, மெய்யழகன் பட ஷீட்டிங்கில் தான் சென்று பார்த்தேன். அது பிரமாதமான ஒரு விசயம். மாட்டை அடக்குவதோ, காயப்படுத்துவதோ இல்லை, வெளிநாடுகளில் நடக்கும் போட்டிகளில் மாட்டைக் காயப்படுத்துவார்கள் ஆனால் நம் ஜல்லிக்கட்டு ஏறி தழுவுவது தான். மாட்டை அரவணைப்பது தான் நம் ஜல்லிக்கட்டு. இங்கு இந்த திருவிழாவில் பல விவசாயிகள் தங்கள் விலை பொருட்களைக் காட்சிப்படுத்தியுள்ளார்கள். எல்லோரும் வந்து பார்வையிடுங்கள். இந்த கொண்டாட்டத்தில் நீங்களும் இணையுங்கள். அனைவருக்கும் நன்றி.
பாரம்பரிய கலைகளின் குரு ஐயா காளீஸ்வரன் பேசியதாவது…
பாரம்பரிய கலைகளை அரங்கேற்ற மேடை அமைத்துத் தந்த, செம்பொழில் குழுவிற்கு நன்றி. என் மாணவி ரேகா அவர்களுக்கு நன்றி. பெரிய பெரிய ஆட்கள் இருக்கும் இடத்தில் என் போல எளிய கலைஞர்களைக் கௌரவப்படுத்துவதற்கு நன்றி. இதை மக்களிடம் எடுத்துச் செல்லும் கார்த்தி அவர்களுக்கு நன்றி. 1024 கலைகள் தமிழ் நாட்டில் இருக்கிறது, அதைப் பாதுகாத்து நாங்கள் இங்குக் கொண்டு வந்துள்ளோம். உழவுக்குப் பயன்படுத்தப்பட்ட நாட்டுப்பாட்டு, களைப்பாட்டு எல்லாம் இல்லாமல் போய்விட்டது, அதைச் சேகரிக்கும் கலைஞர்களை, பாதுகாக்கும் கலைஞர்களை, செம்பொழில், உழவன் பவுண்டேசன் கௌரவிக்க வேண்டுமெனக் கேட்டுக்கொள்கிறேன் நன்றி.
மண்புழு ஆராய்ச்சியாளர் சுல்தான் பேசியதாவது..
உழவுக்கு உழவன் பவுண்டேசன் மாதிரி விவசாயத்திற்கு மண்புழு. மண்புழு இருந்தால் அந்த நிலத்தில் ஆரோக்கியம் இருக்கும். இந்த விழாவை மிகச்சிறப்பாக நடத்துகிறார்கள். உழவன் பவுண்டேசன், செம்பொழில் அனைவருக்கும் நன்றி. முன்பு ஒரு முறை இயற்கை விவசாயம் கற்றுத்தரக் கூட்டம் போட்டோம் 4பேர் மட்டும் தான் வந்தார்கள், இவர்கள் மூலம் விவசாயம் பற்றித் தெரிந்து கொள்ள, இன்று நிறைய இளைஞர்கள் வருகிறார்கள். மகிழ்ச்சி. இங்குள்ள விவசாயிகளிடம் எதாவது ஒரு பொருள் வாங்குங்கள் அனைவருக்கும் நன்றி.
‘டாக்ஸிக் காதல்’ பாடலை வெளியிட்ட பிக்பாஸ்’ புகழ் அர்ச்சனா
ஆத்மாவை வருடும் உணர்ச்சிகரமான இசை படைப்புகளால் பரவலாக அறியப்படும் தமிழ்நாட்டின் பிரபல இசையமைப்பாளர் அருண்ராஜ், ‘பிக்பாஸ்’ புகழ் அர்ச்சனா ரவிச்சந்திரனுடன் இணைந்து, சமீபத்தில் அவர்களின் புதிய பாடலான ‘டாக்ஸிக் காதல்’-ஐ வெளியிட்டுள்ளனர். அதீத எதிர்பார்ப்புகள் நிறைந்த இந்த பாடல், நவீன காதல் உறவுகளின் சிக்கல்களை உணர்ச்சிகரமான மெலோடிகள் மற்றும் தைரியமான பாடல்வரிகளின் கலவையால் விவரிக்கிறது.
‘டாக்ஸிக் காதல்’ என்ற இந்த பாடல், காதல் சில நேரங்களில் ஏற்படுத்தக்கூடிய இருண்ட, தீவிரமான மற்றும் மாறும் உணர்வுகளை ஆழமாக வெளிப்படுத்துகிறது. தடம், எறும்பு, பிஸ்ஸா-3, பைரி போன்ற வெற்றி பெற்ற திரைப்படங்களுக்கு இசையமைத்து ரசிகர்களின் இதயங்களை வென்ற அருண் ராஜ், இந்த பாடலுக்கு புதிதாகவும் இதற்கு முன் கண்டிராத இசை வடிவத்தையும் கொண்டு வந்துள்ளார். பாரம்பரிய இசை கூறுகளை நவீன இசைத்துடிப்புடன் கலந்து இசையமைப்பது என்பது அவருக்கு கை வந்த கலை, இதனால் ‘டாக்ஸிக் காதல்’ இன்றைய இசைத்துறையில் தனித்துவமாக திகழ்கிறது.
இந்த பாடலின் மேலும் ஒரு சிறப்பு அம்சம் என்னவென்றால், ‘பிக்பாஸ்’ வீட்டில் இருந்த காலத்தில் அனைவருக்கும் பரிச்சயமான அர்ச்சனா ரவிச்சந்திரனின் பங்களிப்புதான், அவரின் பல்வேறு திறமைகளை வெளிப்படுத்தி, இந்த பாடலில் தன் குரலால் மெருகூட்டியுள்ளார். அவரது சிறந்த ஆளுமை மற்றும் ஆழமான உணர்ச்சி வெளிப்பாடு பாடலின் ஆழத்தை அதிகரித்து, காதலினால் ஏற்றத்தாழ்வுகளை அனுபவித்த அனைவரும் தங்களை எளிதில் தொடர்பு படுத்தி கொள்ளக் கூடிய பாடலாக இது மாறுகிறது.
இந்த புதிய கூட்டணியைப் பற்றி அருண் ராஜ் கூறுகையில், "டாக்ஸிக் காதல் என் மனதுக்கு மிகவும் நெருக்கமான ஒரு படைப்பாகும். இந்த பாடலில் உள்ள உணர்வுகள் மிகவும் இயல்பானதும் உண்மையானதுமானவை, அதனால் அந்த உறவின் தீவிரத்தை இசையில் பிரதிபலிக்க வேண்டும் என்று நினைத்தேன். அர்ச்சனாவுடன் பணிபுரிவது அருமையான அனுபவமாக இருந்தது, நாங்கள் உண்மையில் ஒரு தனித்துவமான படைப்பை உருவாக்கியுள்ளோம் என்று நம்புகிறேன்" என்றார்.
அர்ச்சனா ரவிச்சந்திரனும், "அருண் இந்த படைப்புக்காக என்னை அணுகியதும், ‘டாக்ஸிக் காதல்’ என்ற கரு என்னை உடனடியாக கவர்ந்துவிட்டது. இது நம்மில் பலருக்கும், குறிப்பாக 'ஜென்-ஸீ'(Generation-Z) என்றழைக்கப்படும் இந்த தலைமுறையினருடன் தொடர்புடையது, மேலும் இந்த இசைப் பயணத்தில் நான் பங்கேற்பது அந்த உணர்வுகளை புதிய வழியில் வெளிப்படுத்த வழிவகுக்கிறது. நாங்கள் உருவாக்கியதை அனைவரும் கேட்க வேண்டும் என்று ஆவலுடன் எதிர்பார்க்கிறேன்" என்று கூறினார்.
இந்த பாடலின் இசைக் காணொளி டிப்ஸ் இசை நிறுவனத்தின் மூலம் தயாரிக்கப்பட்டுள்ளது. பாடலின் கருப்பொருளுக்கு ஏற்ற காட்சிகளுடன் டாக்ஸிக் காதல் இப்போது அனைத்து முக்கிய இசை ஸ்ட்ரீமிங் தளங்களில் வெளியாகியுள்ளது.
- உலக செய்திகள்
- |
- சினிமா
