சற்று முன்
சினிமா செய்திகள்
தயாரிப்பாளரின் பணத்தை வீணடிக்க மாட்டார் இயக்குநர் ஹரி. 'யானை' படத்தின் கலை இயக்குனர் மைக்கேல்
Updated on : 11 July 2022
இயக்குநர் ஹரி இயக்கத்தில் அருண் விஜய் நடிப்பில் வெளியாகியிருக்கும் யானை திரைப்படம் பெரும் வரவேற்பை பெற்று வெற்றி பெற்றுள்ளது. படத்தில் தீவு, மார்க்கெட் காட்சிகளில் படத்தின் பிரமாண்டத்தை கண் முன் வந்ததில் பாராட்டுக்களை குவித்து வருகிறார் கலை இயக்குநர் மைக்கேல்
இது குறித்து கலை இயக்குநர் மைக்கேல் கூறுகையில் …
யானைக்கு கிடைத்து வரும் பாரட்டுக்கள் பெரும் மகிழ்ச்சியை தந்துள்ளது இது பல நாள் கனவு . எனது சொந்த ஊர் கன்னியாகுமரி மாவட்டத்தில் இருக்கும் குலசேகரம். சிறுவயதில் இருந்தே ஓவியக்கலையின் மேல் ஒரு ஈர்ப்பு எனக்குள் இருந்தது, அதனோடு சேர்ந்து சினிமாவின் மேலும் ஒரு ஈர்ப்பு எனக்குள் இருந்தது. அதனால் சென்னையில் உள்ள கல்லூரியில் அது சம்பந்தபட்ட கல்லூரி படிப்பை படிக்க ஆரம்பித்தேன். கல்லூரி படிப்பை முடித்த பிறகு சினிமா துறைக்கு முக்கியமான பிரிவான CG பிரிவில் சில காலம் பயிற்சி எடுத்தேன், அந்த பயிற்சியின் போது, கோச்சடையான் படத்திலும் 3 மாத காலம் பணி புரிந்தேன். ஆனால் ஒரு கட்டத்தில் ஆபீஸில் பணிபுரிவது பிடிக்கவில்லை. கலை இயக்கம் துறையில் பணிபுரியலாம் என முடிவெடுத்து எனது குருநாதர் கலை இயக்குனர் முத்துராஜ் அவர்களிடம் 'ஐ' திரைப்படத்தின் போது உதவியாளராக சேர்ந்தேன். கலை இயக்கத்தில் எல்லாவற்றையும் அவரிடம் தான் கற்றுக்கொண்டேன் அதன் பிறகு புலி, தெறி, ரெமோ, வேலைக்காரன் என தொடர்ந்து அவர் படங்களில் பணிபுரிந்தேன்.
அதன் பிறகு தனியாக பணிபுரியலாம் என வாய்ப்பு தேடி கொண்டிருந்த போது இயக்குனர் எஸ் ஆர் பிரபாகரன் அவருடைய “கொம்பு வச்ச சிங்கமடா படத்திற்கு பணியாற்ற என்னை அழைத்தார். அந்த படத்தில் பணியாற்றினேன். பின்னர் சினம், எஃகோ, ஓ மை டாக், போன்ற படங்களில் பணியாற்றினேன். "சினம் மற்றும் ஓ மை டாக்' திரைப்படம் ஒளிப்பதிவாளர் கோபிநாத் சார் மற்றும் அருண்விஜய் சாருடன் சேர்ந்து பணிபுரிந்தேன் இதன் மூலம் தான் யானை திரைப்படம் எனக்கு கிடைத்தது. அதன் பிறகு இப்போது ynot studios-ல் சமுத்திரகனி சார் உடைய 'தலைக்கூத்தல்' என்ற படத்தில் பணியாற்றிவருகிறேன். தொடர்ந்து பல படங்களில் இப்போது பணியாற்றி கொண்டு இருக்கிறேன்.
நான் கலை இயக்கம் வர காரணம், ஆக்கபூர்வமான பணிகளை எப்பொழுதும் செய்ய வேண்டும் என்ற எண்ணத்தில் தான். நான் தனியாக பணியாற்ற ஆரம்பித்தபிறகு, சிறப்பான பணியை கொடுக்க வேண்டும் என்ற எண்ணத்தில் தான் பணிபுரிந்தேன். யானை படத்தில் வில்லன் கதாபாத்திரத்தின் வீடு, அதில் வரும் தீவு, அங்கு இருக்கும் கடைத்தெரு, ஆர்ச் என அனைத்தும் நாங்கள் போட்ட செட் தான். யானை படத்தில் நிறைய செட்கள் இருக்கின்றன, ஆனால் யாரும் கண்டுபிடிக்க முடியாத படி இருக்கும். இப்போது திரைத்துறையில் எல்லோரும் பாராட்டுவது பெரும் மகிழ்ச்சியை தருகிறது. கலைத்துறையை பொறுத்தவரை நாம் சிறப்பாக பணிபுரிந்தாலும் , பார்வையாளர்கள் கண்ணில் படமாட்டோம். அது கொஞ்சம் வருத்தம் தர கூடிய ஒன்று தான். ஆனால் நாம் ஒரு இயக்குனரின் கற்பனையை உயிர்கொடுக்க உழைக்கிறோம் என்பதில் சந்தோசம் என்றவர், யானை படம் குறித்து கூறியபோது…
ஹரி சாருடன் பணியாற்றியது மிகப்பெரிய அனுபவம். தயாரிப்பாளரின் பணம் வீணாக கூடாது என்பதற்காக வேகமாக உழைப்பவர். அவருடைய வேகத்திற்கு மொத்த குழுவையும் அழைத்துசெல்வார். முன் கூட்டியே அனைத்தையும் திட்டமிட்டுவிடுவார். நேரத்தை வீணடிக்கவே மாட்டார் அவர். அவருடைய அனுபவம் நமக்கு பெரிய பாடமாக இருந்தது.
யானை படத்தில், வில்லன் வீட்டின் உடைய வெளிப்புற தோற்றம், படத்தில் வரும் மார்கெட், பார் பைட் சீனில் சில மாற்றங்கள்,ரைஸ் மில் இடத்தில் சில மாற்றங்கள், என குறிப்பிட்ட காட்சிகளில் என் பல செட் பணிகளை செய்துள்ளோம். யானை படத்திற்கு பிறகு திரைத்துறையில் இப்போது நிறைய வாய்ப்பு வருகிறது. கலை இயக்கத்தில் நிறைய சாதிக்க வேண்டும், ஃபேண்டஸி, ஹிஸ்டாரிகல் படங்கள் என பணிபுரிய வேண்டும், பயணிக்க வேண்டிய தூரம் அதிகம் இருக்கிறது. நான் எடுக்கும் ஒவ்வொரு முயற்சிக்கும் எனக்கு பக்கபலமாக இருப்பது என் குடும்பத்தினர். என்கிறார் கலை இயக்குநர் மைக்கேல்.
சமீபத்திய செய்திகள்
நடிகர் பிரபாஸ் எழுத்தாளர்களுக்காக துவக்கி வைத்த ‘தி ஸ்கிரிப்ட் கிராஃப்ட்’ இணையதளம்!
இந்தியாவின் மிகப்பெரிய ஸ்டார் பிரபாஸ், எழுத்தாளர்களை ஊக்குவிப்பதற்காக அவர்களுக்கென பிரத்தியேகமாக உருவாக்கப்பட்ட தி ஸ்கிரிப்ட் கிராஃப்ட் என்ற இணையதளத்தை துவங்கி வைத்தார். பல தரப்பட்ட கதைகள் வெளிச்சத்திற்கு வரவும், எழுத்தாளர்கள் தங்கள் கதை சார்ந்த கருத்துக்களை பரந்த பார்வையாளர்களுடன் பகிர்ந்து கொள்ளவும், அவர்களின் படைப்பாற்றலை வெளிப்படுத்தவும், ஒரு சிறப்பான தளத்தை வழங்குவதற்காக, இந்த முயற்சியை மேற்கொள்ளப்பட்டுள்ளது.
ஸ்கிரிப்ட் கிராஃப்ட் தளத்தில் எழுத்தாளர்கள் தங்கள் கதைக்கருக்களை 250-சொற்களில் சுருக்கமாக சமர்ப்பிக்கலாம். பார்வையாளர்கள் இந்த கதைக்கருக்களை படித்து மதிப்பிடலாம், அதிக ரேட்டிங் பெற்ற கதைகள் மேலே உயரும். இதன் பின்னூட்ட அமைப்பு, கருத்துக்களுக்குப் பதிலாக மதிப்பீடுகளில் கவனம் செலுத்துகிறது, எழுத்தாளர்கள் நம்பிக்கையை வளர்க்கவும் அவர்களின் கருத்துக்களுக்கு நேர்மறையான ஆதரவைப் பெறவும் உதவும் ஒரு ஆக்கபூர்வமான சூழலை இந்த தளம் உருவாக்குகிறது.
“தி ஸ்கிரிப்ட் கிராஃப்ட் " இணையதளத்தை துவக்கத்தை கொண்டாடும் விதமாக எழுத்தாளர்களுக்கு,
உங்களுக்குப் பிடித்த ஹீரோவை சூப்பர் பவருடன் கற்பனை செய்து கதை சொல்லுங்கள் !" என்ற தலைப்பில் ஒரு சிறப்புப் போட்டியை அறிமுகப்படுத்தியுள்ளது. பெரும் திறன்களைக் கொண்ட ஒரு சூப்பர் ஹீரோவை மறுவடிவமைக்கும் இந்த கதைக்கரு அதிகபட்ச 3,500-வார்த்தைகள் கொண்டதாக சமர்ப்பிக்க, எழுத்தாளர்கள் அழைக்கப்படுகிறார்கள். இறுதியில், இந்த போட்டியில் ரசிகர்களின் ஆதரவை அதிகமாக பெறும் வெற்றியாளர் உதவி எழுத்தாளராக அல்லது உதவி இயக்குநராக ஒரு திரைப்படத்தில் பணியாற்றுவதற்கான தனித்துவமான வாய்ப்பைப் பெறுவார். இது வளர்ந்து வரும் எழுத்தாளர்களுக்கு மிகச்சிறந்த வாய்ப்பாகும். தல்லா வைஷ்ணவ் மற்றும் பிரமோத் உப்பளபதி ஆகியோரால் நிறுவப்பட்ட தி ஸ்கிரிப்ட் கிராஃப்ட் தளம், புதிய திறமைகளை ஊக்குவிப்பதற்காகவும், எழுத்தாளர்களுக்கு அவர்களின் கதை சொல்லும் திறனையும் படைப்பாற்றலையும் வெளிப்படுத்தும் தனித்துவமான வாய்ப்புகளை வழங்குவகிறது.
கூடுதலாக, தி ஸ்கிரிப்ட் கிராஃப்ட் தளம் ஆடியோபுக்ஸ் அம்சத்துடன் விரிவுபடுத்த திட்டமிட்டுள்ளது, எழுத்தாளர்கள் தங்கள் கதைகளை அதிவேக ஆடியோ அனுபவங்களாக மாற்ற இது அனுமதிக்கிறது. ஆடியோ கதைசொல்லலை விரும்பி கேட்போர் உட்பட, எழுத்தாளர்கள் பரந்த பார்வையாளர்களை அடைய உதவும் வகையில் இந்த வளர்ச்சி அமைக்கப்பட்டுள்ளது.
பிரபாஸ் இன்ஸ்டாகிராமில் பகிர்ந்துள்ளதாவது.., "இந்த மேடையில் உங்கள் கதையைப் பகிர்ந்து கொள்ளுங்கள், உலகை ஊக்குவிக்க சிறப்பான வழியாக இதைப் பயன்படுத்திகொள்ளுங்கள், எழுத்தாளர்களின் வார்த்தைகளை மற்றும் பார்வையாளர்கள் தங்கள் விருப்பத்தின் மூலம் மேம்படுத்துவார்கள். இந்த தளத்தில் அனைவரும் இணையுங்கள். #TheScriptCraft குழுவிற்கு வாழ்த்துகள்! https://www.thescriptcraft.com/ @TSCWriters #Vaishnav @uppalapatipramod #CreativeCommunity"
தி ஸ்கிரிப்ட் கிராஃப்டில் பிரபாஸின் ஈடுபாடு, எழுத்தாளர்களுக்கு ஒரு நேர்மறையான இடத்தை வளர்ப்பதிலும் தனித்துவமான கதைசொல்லலை ஊக்குவிப்பதிலும் உள்ள அவரது அர்ப்பணிப்பை எடுத்துக்காட்டுகிறது. ஸ்கிரிப்ட் கிராஃப்ட் எழுத்தாளர்களை ஆதரிப்பதிலும், கதை சொல்லும் கலையை மதிக்கும், வரவேற்பு தளத்தை உருவாக்குவதிலும் பிரபாஸ் கொண்டிருந்த அர்ப்பணிப்பின் பிரதிபலிப்பாகும்.
தி ராஜா சாப், சலார்: பாகம் 2 - சௌரியங்க பர்வம், கல்கி 2 மற்றும் ஹனு ராகவபுடியுடன் பெயரிடப்படாத திரைப்படம் என பிரபாஸை திரையில் தரிசிக்க, ரசிகர்கள் ஆவலோடு காத்திருக்கும் உள்ளனர்.
- உலக செய்திகள்
- |
- சினிமா
