சற்று முன்
சினிமா செய்திகள்
அறிமுக இயக்குனர் ஹரிஹரன் எழுதி, இயக்கியிருக்கும் 'இனி ஒரு காதல் செய்வோம்'
Updated on : 26 July 2022
புதுமுகம் அஜய் பாலகிருஷ்ணா கதாநாயகனாக நடித்துள்ளார். படத்தின் கதாநாயகியாக ஸ்வேதா ஷ்ரிம்டன் நடித்துள்ளார். இவர் பல குறும்படங்கள், விளம்பரங்களில் நடித்துள்ளார்.
பல தமிழ் மற்றும் கன்னட படங்களில் ஒளிப்பதிவாளராக பணியாற்றிய கோபிநாத் சுகுமார் இந்த படத்திற்கு ஒளிப்பதிவு செய்ய, ஜெய் திலிப் கலை இயக்கத்தை மேற்கொண்டார்.
"ரேவா" எனும் பெண் இசையமைப்பாளர் இப்படத்திற்கு இசையமைத்துள்ளார். இவர் விஜய் சேதுபதியின் தயாரிப்பு மற்றும் நடிப்பில், ரெஜினா கசாண்ட்ரா கதானாயகியாக நடித்து வெளியான “முகில்” படத்தின் இசையமைப்பாளர் ஆவார். இத்திரைப்படத்தின் இசை அனைவரின் கவனத்தை ஈர்த்தது என்பது குறிப்பிடத்தக்கது.
“96” பட புகழ் "கவிஞர் கார்த்திக் நேத்தா" இந்த படத்தின் அனைத்துப் பாடல்களையும் எழுதியுள்ளார்.
படத்தில் இடம்பெற்றுள்ள ஐந்து பாடல்களையும் பாடகர்கள் சின்மயி, ஸ்வேதா மோகன், ஹரி சரன், தீபக் போன்றோர் பாடியுள்ளனர். மேலும் "நிழல்கள் ரவி" அவர்கள் குரலில், சமீபத்தில் வெளியான இத்திரைப்படத்தின் பாடல், மக்களிடையே நல்ல வரவேற்ப்பை பெற்றுள்ளது.
மேலும் நடிகர்கள் வர்கீஸ் மேத்யூ, கிஷோர் ராஜ்குமார், விக்னேஷ் சண்முகம், திடியன், மனு பார்த்திபன் மற்றும் பலர் நடித்துள்ளனர்.
இத்திரப்படத்தை சென்னை, ஈ.சி.ஆர், பாண்டிச்சேரி, கொடைக்கானல், மற்றும் பல்வேறு இடங்களில் காட்சி அமைத்துள்ளனர்.
தொண்ணூறுகளில் பிறந்தவர்களின் கல்லூரி வாழ்க்கையையும், நட்பையும், காதல் மற்றும் பிரிவையும் பிரதிபலுக்கும் வண்ணம் படத்தின் கதை அமைந்துள்ளதாக படக்குழுவினர் தெரிவிக்கின்றனர். முழுக்க முழுக்க காதல் மற்றும் காமெடியுடன் கலகலப்பாக நகரும் திரைக்கதையை எழுதியுள்ளார் இயக்குனர் ஹரிஹரன்.
படத்தின் முன்னோட்டம் மற்றும் பாடல்களை வரும் ஆகஸ்டு மாதம் வெளியிடவும், திரைப்படத்தை வரும் கிறிஸ்த்துமஸ் விடுமுறையில் வெளியிடவும் படக்குழுவினர் திட்டமிட்டு வருகின்றனர்.
சமீபத்திய செய்திகள்
இலங்கையில் ஜொலிக்கும் வரலட்சுமி சரத்குமார்!
நடிகை வரலட்சுமி சரத்குமார், இலங்கையின் பிரமாண்டமான Cinnamon Life – City of Dreams இடத்தில் நடத்தப்பட்ட போட்டோஷூட்டில் தனக்கே உரிய சீரான அழகையும், தைரியத்தையும் வெளிப்படுத்தியுள்ளார். புகைப்படக் கலைஞர் கேசரா எடுத்த இந்த போட்டோக்கள், 'கருப்பு வெள்ளை' மற்றும் 'பேஸ்டல்' நிறங்களில் வரலட்சுமியின் இயல்பான பிம்பத்தையும், தன்னம்பிக்கையையும் அழகாகப் பதிவு செய்கின்றன.
மெல்லிய நிறங்களில் கட்டமைக்கப்பட்ட ஆடைகளில் தோன்றும் அவர், சினிமாவின் ஆழத்தையும், எக்காலத்திலும் மரையாத ஃபேஷனையும் கலந்து சுமந்திருக்கிறார். “கம்பீரமாக இரு , ஒவ்வொரு புகைப்படமும் ” எனும் அவரது விளக்கம், வெறும் வார்த்தையல்ல – திரைத்துறையிலும், வாழ்க்கையிலும் அவர் கட்டியெடுத்த தனி அடையாளத்தின் பிரதிபலிப்பாகும்.
‘The Verdict’ போன்ற படங்களில் அவரின் அடக்கமும் ஆழமும் கலந்த நடிப்பு பெரிதும் பாராட்டப்பட்டது. பல பரிமாணங்களைக் கொண்ட கதாபாத்திரங்களை தேர்ந்தெடுத்துக் கொண்டு, தன்னிச்சையான தேர்வுகளால் இன்று வரலட்சுமி, தனது தலைமுறையின் மிகவும் தைரியமான நடிகைகளில் ஒருவராக திகழ்கிறார்.
.jpeg)
தற்போது பல்வேறு பருவங்களில் உள்ள திரைப்படங்கள் மூலம், இன்னும் பல உயரங்களை அடையத் தயாராக இருக்கிறார். பாக்ஸ் ஆபிஸ் ஹிட் கதைகளாக இருந்தாலும், உள்ளடக்கம் சார்ந்த படைப்பாக இருந்தாலும் – அவர் தேர்ந்தெடுக்கும் ஒவ்வொரு கதாபாத்திரமும் மனதில் நிற்கும் வகையில் இருக்கும்.
இந்த போட்டோஷூட் வெறும் ஃபேஷனுக்காக மட்டுமல்ல , இது தனது திறமையையும், தன்மையையும் முழுமையாக புரிந்து கொண்ட ஒரு பெண்ணின் ஆளுமையை பதிவு செய்திருக்கும் அழகிய படம்.
- உலக செய்திகள்
- |
- சினிமா
