சற்று முன்
சினிமா செய்திகள்
நடிகை மது தனது பயணத்தில் இனிப்பான மற்றும் காரமான தருணங்கள் பற்றி மனம் திறந்து பேசுகிறார்!
Updated on : 08 July 2023
ப்ரைம் வீடியோவின் ‘ஸ்வீட் காரம் காபி’யின் மிகவும் எதிர்பார்க்கப்பட்ட ஒரிஜினல் தமிழ் இணையத்தொடரின் முன்னோட்டம் வெளியிடப்பட்ட தருணங்களிலிருந்து, பார்வையாளர்கள் மத்தியில் இந்த தொடரைக் காணவேண்டும் என்ற உற்சாகம் ஏற்பட்டது. பிரைம் வீடியோவில் தற்போது ஸ்ட்ரீமிங் செய்யப்பட்டிருக்கும் இந்த இணையத் தொடருக்குப் பார்வையாளர்கள், விமர்சகர்கள் மற்றும் தொழில்துறையின் பிரபலங்களிடமிருந்து பெரும் வரவேற்பைப் பெற்றுள்ளது. நம்பமுடியாத கதை, ஒரே குடும்பத்தைச் சேர்ந்த மூன்று குறிப்பிடத்தக்க பெண்களைப் பற்றியது, ஆனால் அவர்கள் ஒரு அசாதாரண மற்றும் மறக்க முடியாத சாகசத்தை மேற்கொள்ளும்போது வெவ்வேறு தலைமுறைகளைச் சார்ந்தவர்களும் ரசிக்கிறார்கள். ஒரு தன்னிச்சையான சாலைப் பயணமாகத் தொடங்குவது..., சலிப்பான நடைமுறைகளிலிருந்து தப்பிப்பது... அவர்களைப் பிணைக்கும் சமூக விதிமுறைகளிலிருந்து விடுபடுவதற்கான, அவர்களின் தேவையால் தூண்டப்பட்டு, மேற்கொள்ளும் அந்த பயணம்..விரைவில் சுய-கண்டுபிடிப்பின் அற்புத தருணங்களாக உருமாறும் பயணமாக மாறுகிறது.
இந்த இணையத் தொடர் குறித்தும், வரவிருக்கும் தொடர்கள் மற்றும் அதன் தருணங்களைப் பற்றி முன்னணி நடிகை மது சமீபத்திய நேர்காணலில் பேசுகையில், “ இந்த இணையத் தொடரின் தலைப்பு ஸ்வீட் காரம் காபி. இதில் உள்ளதைப் போல் சில அதிசயமான இனிப்பான தருணங்கள் மற்றும் ஆச்சரியமிக்க காரமான தருணங்கள் உள்ளன. நீங்கள் காரத்தை ரசிப்பீர்கள், ஆனால் அது உங்களிடத்தில் வித்தியாசமாக தாக்கத்தை ஏற்படுத்துகிறது, பிறகு காஃபி அமைதியாக இருக்க வேண்டும். அதுதான் பார்வையாளர்களும் ரசிக்கும் மற்றும் தொடர்புபடுத்தக்கூடிய பயணமாக இருக்கும்.
இவரது கதாபாத்திரம் மற்றும் இவரது OTT அறிமுகம் குறித்தும்... மூன்று தலைமுறைகளுக்கு நடுவில் இருப்பதைப் பற்றியும் பேசுகையில்,“ நான் இந்த தொடரில் மூன்று தலைமுறை பெண்களில் நடுவில் இருப்பதாகத்தான் நான் என்னைக் கண்டேன். நான் நிஜ வாழ்க்கையிலும் அதே வயதுடைய இரண்டு மகள்களின் தாயாக இருக்கிறேன், அதனால் அவர்கள் என்னை மிகவும் இயல்பாக வைத்திருக்கிறார்கள், அவர்களிடமிருந்து நான் எவ்வளவு இடைவெளியுடன் இருக்கிறேன் என்பதை அவர்கள் எனக்குக் கற்பிக்கிறார்கள். இன்றைய இசை, இன்றைய மொழி மற்றும் இன்றைய பெற்றோருடன் என் மகள்கள் என்னை மிகவும் தொடர்பில் வைத்திருக்கிறார்கள். ஒரு நடிகராக என்னுடன் வயதில் மூத்த ஒருவருடன் தொடர்பில் இருப்பதும்.. கடந்த காலத்தில் எனக்கு மூத்தவரான அவருடன் தான் நான் நடுவில் இருக்கிறேன். மூத்த தலைமுறையினரிடம் கொடுக்கவும், வாங்கவும் நிறைய இருக்கிறது. அன்றைய காலத்தில், நான் பணிபுரிந்தபோது எல்லா இயக்குநர்களும் என்னை விட மூத்தவர்கள்.” என பகிர்ந்து கொண்டார். .
இந்த தொடரின் பின்னணியில் உள்ள படைப்பாளியான ரேஷ்மா கட்டாலாவின் லயன் டூத் ஸ்டுடியோஸ் பிரைவேட் லிமிடெட்டுடன் இணைந்து நடிகை மது பணியாற்றியுள்ளார். பிஜாய் நம்பியார், கிருஷ்ணா மாரிமுத்து மற்றும் சுவாதி ரகுராமன் ஆகிய மூன்று திறமையான இயக்குநர்கள் இந்தத் தொடரை இயக்கியிருக்கிறார்கள். லக்ஷ்மி, மது மற்றும் சாந்தி ஆகியோர் நடித்திருக்கும் ‘ஸ்வீட் காரம் காபி’ அதன் கவர்ச்சிகரமான கதை மூலம் உலகம் முழுவதிலுமுள்ள பார்வையாளர்களை கவரும் என்று உறுதியளிக்கிறது. உலகெங்கிலும் உள்ள 240 க்கும் மேற்பட்ட நாடுகள் மற்றும் பிராந்தியங்களில் உள்ள பிரைம் உறுப்பினர்கள் இப்போது தெலுங்கு, மலையாளம், கன்னடம் மற்றும் இந்தி மொழிகளில் டப்பிங் செய்யப்பட்டிருக்கும் இந்த தொடரைப் பார்க்கலாம்.
சமீபத்திய செய்திகள்
இயக்குநராக அறிமுகமாகிறார் வரலட்சுமி சரத்குமார்!
நடிகை வரலட்சுமி சரத்குமார் மற்றும் அவரது சகோதரி பூஜா சரத்குமார் இணைந்து தோசா டைரீஸ் என்ற புதிய தயாரிப்பு நிறுவனம் மூலம் தங்கள் முதலாவது தயாரிப்பை தொடங்கியிருப்பதை, மகிழ்ச்சியுடன் அறிவித்துள்ளனர்.
இந்த சிறப்பான துவக்கத்தில்,“சரஸ்வதி” என்ற படத்தின் மூலம், வரலட்சுமி சரத்குமார் இயக்குநராக அறிமுகமாகிறார். இப்படத்தில் வரலட்சுமி சரத்குமார் முதன்மை கதாபத்திரத்தில் நடிக்க பிரபல நட்சத்திரங்கள் பிரகாஷ் ராஜ், பிரியாமணி, நவின் சந்திரா ஆகியோர் நடிக்கின்றனர்.
முன்னனி இசையமைப்பாளர் தமன் S இசையமைக்க, A.M.எட்வின் சகாய் ஒளிப்பதிவை மேற்கொள்கிறார். படத்தொகுப்பு - வெங்கட் ராஜன், கலை இயக்கம் - சுதீர் மச்சர்லா
திரையுலகில் தங்கள் புதிய பயணத்தை தொடங்கும் இந்த முயற்சி, சகோதரிகள் இருவருக்கும் மறக்க முடியாத தொடக்கமாக அமைந்துள்ளது.
விமர்சன ரீதியாக பாராட்டப்படும் மோகன் ஜி இயக்கத்தில், ரிச்சர்ட் ரிஷி நடிக்கும் 'திரெளபதி 2'
நாடு முழுவதும் நவராத்திரி கொண்டாட்டம் சிறப்பாக நடைபெறும் வேளையில், சினிமா ரசிகர்களின் கொண்டாட்டத்திற்கு 'திரெளபதி2' காரணமாக அமைந்துள்ளது. மும்பையில் தொடங்கிய படப்பிடிப்பு அரியலூர் ஷெட்யூலுடன் வெற்றிகரமாக முடிந்துள்ளது. விமர்சன ரீதியாக பாராட்டப்படும் மோகன் ஜி இயக்கத்தில், ரிச்சர்ட் ரிஷி கதாநாயகனாக நடித்துள்ளார். படத்தின் அறிவிப்பில் இருந்து முதல் பார்வை போஸ்டர் வரை பிரம்மாண்டமான காட்சிகள் மற்றும் உணர்வுப்பூர்வமான ஹிஸ்டாரிக்கல் ஆக்ஷன் கதையாக படம் அமையும் என்ற எதிர்பார்ப்பு ரசிகர்கள் மத்தியிலும் சினிமா வட்டாரத்திலும் எழுந்துள்ளது.
படப்பிடிப்பு நிறைவடைந்தது குறித்து மோகன் ஜி மகிழ்வுடன் பகிர்ந்து கொண்டதாவது, "படப்பிடிப்பு பற்றி எவ்வளவு துல்லியமாக இயக்குநர் திட்டமிட்டாலும், தயாரிப்பாளரின் ஆதரவு வலுவாக இருக்கும்போதுதான் படம் சரியாக வரும். இதற்கு தயாரிப்பாளர் சோழ சக்ரவர்த்தி சாருக்கு நன்றி. சினிமா மீதான ஆர்வம், நல்ல படங்களை ஆர்வமுடன் பார்ப்பது, சினிமா உருவாகும் முறையை புரிந்து கொள்வது என எங்களுக்குத் தேவையான அனைத்தை விஷயங்களை செய்து கொடுத்து, முழு சுதந்திரம் அளித்ததோடு, உயர்தரத்தில் படம் வரவேண்டும் என்பதிலும் உறுதியாக இருந்தார்" என்றார்.
தயாரிப்பாளர் சோழ சக்ரவர்த்தி பகிர்ந்து கொண்டதாவது, "தொழில்முனைவராக நான் சினிமாத்துறைக்குள் நுழைந்தாலும் அதன் ஏற்ற இறக்கங்கள் பற்றியும் தெரியும். மோகன் ஜி உடன் பணிபுரிந்தது எனக்கு சிறப்பான அனுபவம். எந்தவொரு குழப்பமோ சந்தேகமோ இல்லாமல் திட்டமிட்டபடி படப்பிடிப்பு நிறைவடைந்தது தயாரிப்பாளராக எனக்கு பெருமகிழ்ச்சி. சினிமா மீதான நம்பிக்கையும் இன்னும் அதிகரித்துள்ளது. நடிகர் ரிச்சர்ட் ரிஷி மற்றும் ஒட்டுமொத்த குழுவினருக்கும் நன்றி. இவர்கள் கொடுத்த ஆதரவு என்னை இன்னும் அதிக படங்கள் தயாரிக்க ஊக்கமளித்துள்ளது" என்றார்.
தமிழ்- தெலுங்கு என இரு மொழிகளில் ஹிஸ்டாரிக்கல் ஆக்ஷன் கதையாக உருவாகியுள்ள 'திரெளபதி 2' படத்தை ஜி.எம். ஃபிலிம் கார்பரேஷனுடன் இணைந்து நேதாஜி புரொடக்சன்ஸ், சோழ சக்ரவர்த்தி தயாரித்துள்ளார்.
14 ஆம் நூற்றாண்டில் தென்னிந்தியாவின் கதையை பிரம்மாண்ட காட்சிகளுடனும் திறமையான நடிகர்களுடனும் அந்த காலத்திற்கே பார்வையாளர்களை அழைத்து செல்ல இருக்கிறது இந்தத் திரைப்படம். போஸ்ட் புரொடக்சன் பணிகள் விறுவிறுப்பாக நடந்து வரும் நிலையில், டிசம்பர் மாதம் வெளியாக இருக்கும் இந்தத் திரைப்படத்தின் புரோமோஷன் பணிகளை படக்குழு விரைவில் தொடங்க உள்ளது.
- உலக செய்திகள்
- |
- சினிமா
