சற்று முன்
சினிமா செய்திகள்
இசைப்புயலின் வாழ்த்து மழையில் ஜோஷ்வா ஶ்ரீதர்!
Updated on : 02 September 2016
தனபால் பத்மநாபன் இயக்கத்தில் முழுநீள நகைச்சுவைக் காதல் படமாக உருவாகியுள்ள திரைப்படம் "பறந்து செல்ல வா".
நடிகர் நாசரின் மகன் லுத்ஃபுதீன், ஐஸ்வர்யா ராஜேஷ், சதீஷ், கருணாகரன், ஆர்.ஜே.பாலாஜி, மனோபாலா, பேராசிரியர் ஞானசம்பந்தன் போன்ற முன்னணி நட்சத்திரங்கள் நடித்துள்ள இந்த படத்திற்கு ஜோஷ்வா ஶ்ரீதர் இசையமைத்துள்ளார்.
இசையமைப்பாளர் ஜோஷ்வா ஶ்ரீதருக்கு இது 25-வது திரைப்படமாகும். காதல், கல்லூரி போன்ற படங்களுக்கு பிறகு ஜோஷ்வா ஶ்ரீதருக்கு இது மற்றொரு முக்கிய படமாக இருக்கும் வகையில் படத்தின் இசை அமைந்துள்ளது.
அதுமட்டுமின்றி இசைப்புயல் ஏ.ஆர். ரஹ்மான், இந்த படத்தில் பாடல்கள் வெற்றி அடைய ஜோஷ்வா ஸ்ரீதருக்கு வாழ்த்து தெரிவித்துள்ளார். அவர் விடுத்துள்ள வாழ்த்து செய்தியில், "என் நண்பர் ஜோஷுவா ஸ்ரீதருக்கு உரிய வெற்றியும் அன்பும் கிடைக்க வாழ்த்துகிறேன். 'பறந்து செல்ல வா' குழுவில் இருக்கும் எல்லோருக்கும் என் மனமார்ந்த வாழ்த்துகளைத் தெரிவித்துக்கொள்கிறேன்" என்று கூறியுள்ளார்.
இந்த படத்தின் பாடல்களை அமரர் நா.முத்துக்குமார் எழுதியுள்ளது குறிப்பிடத்தக்கது.
சமீபத்திய செய்திகள்
பிரதமர் மோடி முன்னிலையில் ஜி.வி. பிரகாஷ் குரலில் அரங்கேற்றப்பட்ட திருவாசகத்தின் முதல் பாடல்!
தமிழ் ஆன்மிக இசையின் பெருமையை மீண்டும் கொண்டு வரும் திருவாசகம் புதிய இசை வடிவில் ரசிகர்களை கவர்கிறது. இசையமைப்பாளர் ஜி.வி. பிரகாஷ் குமார் இசையமைத்த இந்தப் பாடல், வரும் ஜனவரி 22 அன்று அவரது அதிகாரப்பூர்வ YouTube சேனலில் வெளியிடப்படுகிறது.
சமீபத்தில் டெல்லியில் நடைபெற்ற பொங்கல் விழாவில், இந்திய பிரதமர் திரு நரேந்திர மோடி முன்னிலையில் அரங்கேற்றப்பட்ட பாடல், நேரடியாக நிகழ்ச்சியினை ரசிக்கும் அனைவரையும் ஆச்சரியப்படுத்தியது.
பாரம்பரிய ஆன்மிகத்தையும் நவீன இசை மொழியிலும் இணைத்த ஜி.வி. பிரகாஷ், திருவாசகத்தின் ஆழமான பக்தி உணர்வை இன்றைய தலைமுறைக்கும் எளிதில் உணரச் செய்யும் முயற்சியில் ஈடுபட்டுள்ளார்.
திருவாசகத்தை முழுமையான இசை ஆல்பமாக உருவாக்க வேண்டும் என்பது அவரது நீண்ட நாள் கனவு. இந்த முதல் பாடல் அந்த கனவின் ஆரம்பப் படியாகும். பிரதமர் மோடி அவர்களின் பாராட்டையும் பெற்ற பாடல், ஆன்மிக இசை ரசிகர்களிடையே பெரிய எதிர்பார்ப்பை எழுப்பியுள்ளது.
- உலக செய்திகள்
- |
- சினிமா
